Video
Read full review
2023-12-15
648 views
去過幾次旺角店嘅芽莊，印象非常好，食物上到枱熱辣辣，伴碟沙律菜新鮮。今日大圍做完facial，一個人，3點唔知食咩好，行去圍方，巡完一輪，見芽莊有下午茶，小食+主食+飲品 - $88。小食有蒜茸牛油雞翼，想食，咁就入去坐低；佢主食有個越式糯米飯🤔未試過，一般都係湯河、香茅豬扒/雞翼飯之類，咁就試吓越式糯米飯，睇吓點啦！蒜茸牛油嚟到，已覺得有啲伏，兩隻雞中翼，碟底有幾條菜絲，菜絲底有油光，用筷子撳吓隻雞翼，撳到有油出！🫨心諗都係炸完雞翼再用牛油炒香蒜茸雞翼回鑊啫⋯⋯入口，一口油，無牛油味，無蒜香味！就連雞翼本身都無底味！無醃過！肉質係雪到乾嚡！😓咁唔好浪費食物，落啲魚露辣椒醋啃埋啦，點知連哩個汁都係無味嘅！跟住嚟越式糯米飯，原來就只不過白糯米飯上面有兩塊鹵水豬腩肉，一堆切得好薄臘腸，肉鬆，又係一小堆嚡口嚡面嘅雞絲，有幾粒油炸過但淋哂嘅花生！唯一可取嘅係蒸得夠熱！
今日大圍做完facial，一個人，3點唔知食咩好，行去圍方，巡完一輪，見芽莊有下午茶，小食+主食+飲品 - $88。小食有蒜茸牛油雞翼，想食，咁就入去坐低；佢主食有個越式糯米飯🤔未試過，一般都係湯河、香茅豬扒/雞翼飯之類，咁就試吓越式糯米飯，睇吓點啦！
蒜茸牛油嚟到，已覺得有啲伏，兩隻雞中翼，碟底有幾條菜絲，菜絲底有油光，用筷子撳吓隻雞翼，撳到有油出！🫨心諗都係炸完雞翼再用牛油炒香蒜茸雞翼回鑊啫⋯⋯入口，一口油，無牛油味，無蒜香味！就連雞翼本身都無底味！無醃過！肉質係雪到乾嚡！😓咁唔好浪費食物，落啲魚露辣椒醋啃埋啦，點知連哩個汁都係無味嘅！
跟住嚟越式糯米飯，原來就只不過白糯米飯上面有兩塊鹵水豬腩肉，一堆切得好薄臘腸，肉鬆，又係一小堆嚡口嚡面嘅雞絲，有幾粒油炸過但淋哂嘅花生！唯一可取嘅係蒸得夠熱！
Post
