古味坊 (Closed)

古早味蛋糕近年係香港非常流行，每次大板蛋糕出爐時散發出濃郁香氣， 古味坊位於元朗西菁街，千色後面，行過時聞到非常香嘅蛋榚味，令人忍唔住買黎試下。蛋糕味道有十幾款：原味、抹茶、黑糖、雙色配、黑白配、鹹蛋芝士、朱古力、伯爵茶、海苔肉鬆、芝士肉鬆、椰粒天使蛋糕同埋雙層芝士蛋榚，可以揀買半盒或一盒，當然買一盒嘅高價錢會更加親民，但都要食得晒至得架！依加係openrice 落單部分味道仲有優惠添呀！由於屋企唔多人，所以我哋買咗一個朱古力味，同埋半個海苔肉鬆味。朱古力：蛋糕表面鋪左少少朱古力粒粒，入口有好香濃嘅朱古力味，入口鬆軟綿密，咬落去蛋糕質地都好濕潤，甜而不膩。海苔肉鬆：原味蛋糕面上鋪左好多海苔肉鬆，賣相好靚、非常吸睛，入口甜中帶鹹，兩者配搭唔錯，蛋榚入口鬆軟，海苔肉鬆有咬口，食落有層次感。由於蛋糕嘅份量都幾多，一次都好難食哂，店員話近日天氣熱，如果第二日先食，記住要放雪櫃，食嘅時候可翻熱或者凍食都得。