悅滿軒

今次我又搵到一好吸引嘅餐廳，雖然個location遠咗少少，但我見環境清幽。嘢食賣相吸引，所以決定你試吓係咪真係咁好味😋環境:喺饒宗頤文化館，周圍環境清靜。裝修都幾靚。適合情侶拍拖食飯。評分：⭐️⭐️⭐️⭐️服務：侍應有禮貌，會細心問左有冇食物敏感先，然後再推介時令嘅美食俾你。呢個我覺得唔係間間餐廳有👍🏻評分：⭐️⭐️⭐️⭐️⭐頭盤生蠔：我見佢個Menu有四種唔同嘅生蠔，分別係唔同價錢同唔同國家。分別係法國，愛爾蘭同美國。除咗最貴嗰款之外。其餘嘅款式我都叫咗各兩隻試下。我覺得三隻嘅口感都非常肥美。鹹鹹地嘅海水味令到蠔嘅味道更濃郁👍🏻佢嘅蠔真係好新鮮。真係忍唔住再叫多幾隻😆😆評分：⭐️⭐️⭐️⭐️⭐主菜烤西班牙八爪魚腳 西班牙辣肉腸燴薏米 阿根廷青醬：賣想好靚。八爪魚腳好大條，咁大個女都係第一次自己食咁大隻八爪魚腳😆😆呢個真係大滿足得。八爪魚烤得好入味再配佢個青醬一齊食，真係咬一啖都有濃郁嘅鮮味滲出來。再同佢個辣辣地嘅薏米一齊食，真係超級好食😋😋😋評分：⭐️⭐️⭐️⭐️⭐呢餐算係我評分比較高分嘅一餐，我覺得各方面嘅質素都好好，性價比都好高。食得我就嚟食多次