Video
Read full review
2023-02-09
571 views
️江湖小棧 (荃灣)地址：荃灣鱟地坊30號寶成大厦1號地舖超好味嘅煲仔飯❤️🔥——— 我是分隔線 ———窩蛋牛肉煲仔飯$86 (9/10)煲仔飯一上到枱超香。職員會上埋豉油同豬油，可以自己選擇落幾多。落完呢兩樣嘢之後等2-3分鐘焗下個飯，一打開聞到好香飯焦味，之後再撈撈撈。佢啲飯焦唔係話太燶，牛肉份量都多🐂。超級推薦！❤️鹽燒秋刀魚 $26 （7/10）我哋呢條外面燒得有少少燶，有啲位個皮就食唔到。肉質就冇咩特別滑，可能本身秋刀魚都偏鞋。佢額外個汁幾特別💦，酸酸地，點汁食會將味道昇華！牛舌 $26（6.5/10）一串總共有5嚿，但係一啲好韌，一啲又好冧🧐。味道冇咩特別，唔係好食到落左咩特別嘅調味。如果有下次，應該會想試下其他小食。燒西班牙豬仔骨 $60（7.5/10）豬仔骨啲肉唔會話太韌🐖，而且燒得幾靚，唔會好乾。味道最好味嘅係佢嘅沙嗲醬。我哋連牛舌都攞去點個醬，佢嘅沙嗲醬真係出色！ 😋招牌燒通菜 $50（8/10）真係食得出個味係燒，同燒韮菜應該有啲似。🔥一碟菜上仲加蒜茸同炸蒜，更加重口味！呢個都好推薦。👍🏻——— 我是分隔線 ———整體：8/10性價比：6/10個日天氣特別凍🥶，可
地址：荃灣鱟地坊30號寶成大厦1號地舖
超好味嘅煲仔飯❤️🔥
——— 我是分隔線 ———
窩蛋牛肉煲仔飯$86 (9/10)
煲仔飯一上到枱超香。職員會上埋豉油同豬油，可以自己選擇落幾多。落完呢兩樣嘢之後等2-3分鐘焗下個飯，一打開聞到好香飯焦味，之後再撈撈撈。佢啲飯焦唔係話太燶，牛肉份量都多🐂。超級推薦！❤️
鹽燒秋刀魚 $26 （7/10）
我哋呢條外面燒得有少少燶，有啲位個皮就食唔到。肉質就冇咩特別滑，可能本身秋刀魚都偏鞋。佢額外個汁幾特別💦，酸酸地，點汁食會將味道昇華！
牛舌 $26（6.5/10）
一串總共有5嚿，但係一啲好韌，一啲又好冧🧐。味道冇咩特別，唔係好食到落左咩特別嘅調味。如果有下次，應該會想試下其他小食。
燒西班牙豬仔骨 $60（7.5/10）
豬仔骨啲肉唔會話太韌🐖，而且燒得幾靚，唔會好乾。味道最好味嘅係佢嘅沙嗲醬。我哋連牛舌都攞去點個醬，佢嘅沙嗲醬真係出色！ 😋
招牌燒通菜 $50（8/10）
真係食得出個味係燒，同燒韮菜應該有啲似。🔥一碟菜上仲加蒜茸同炸蒜，更加重口味！呢個都好推薦。👍🏻
——— 我是分隔線 ———
整體：8/10
性價比：6/10
個日天氣特別凍🥶，可能好多人食煲仔飯暖下身，所以排大概兩個幾鐘。如果想食應該要早啲排定。⏱️舖頭嘅牆身好特別，有好有江湖味道，見到隔離嘅客人仲影相添。📸
#double_couple_222 #情侶日常 #hkblogger #hkfoodie #香港美食 #美食 #荃灣美食 #江湖小棧 #窩蛋牛肉飯 #煲仔飯 #秋刀魚 #牛舌 #豬仔骨 #燒通菜 #天氣凍 #飯焦
Post
