Video
Read full review
2024-07-07
262 views
朋友話每次搭車經過都見到呢間店嘅招牌，想試好耐，好啦🤗，今日就同佢上嚟試吓；店舖位於油麻地，喺油麻地MTR C出口行幾分鐘就到，搭𨋢上2樓唔使等，上到去已經見到幾乎滿座，好多人幫襯😎店舖環境闊落，雖然滿座但一啲都唔迫，店員人數充足，而且好Nice👫一坐低，我哋已急不及待睇吓有咩食，店舖用QR code落單，十分方便，而且唔使等好耐就已經有得食🥳📝我哋order咗以下食物：💁♀️蟹膏蕃茄湯檬$90- (💁♀️另加蟹膏$20-)見到好多人都有order呢款，所以跟住叫😆，碗湯檬好大碗，入邊好多材料：有半個大蕃茄，豬紅，豆卜，芽菜等等，仲有一大塊蟹膏🤩，蟹膏味道非常濃郁，好特別好好食，所以我哋另加多咗一件 ，一人一件唔使爭🙂↔️💁♀️肉鬆軟包$48.00-呢個我極度推介😍，本身同朋友掙扎緊究竟叫發包好定軟包好，後來我哋決定緊軟包，係因為怕發包太硬，我哋要咬好耐😂；肉鬆配軟包，超！級！好！食！肉鬆多到就嚟跌出嚟，配埋青瓜，紅蘿蔔絲，非常清新😝💁♀️越南香茅雞翼5件$38-上枱時熱辣辣，香茅夠晒入味💁♀️米紙蝦卷2件$50-呢款朋友嚟到就話一定要叫，佢好鍾意食，上枱時用葉包住，食之前拆開，入邊又
店舖環境闊落，雖然滿座但一啲都唔迫，店員人數充足，而且好Nice👫
一坐低，我哋已急不及待睇吓有咩食，店舖用QR code落單，十分方便，而且唔使等好耐就已經有得食🥳
📝我哋order咗以下食物：
💁♀️蟹膏蕃茄湯檬$90- (💁♀️另加蟹膏$20-)
見到好多人都有order呢款，所以跟住叫😆，碗湯檬好大碗，入邊好多材料：有半個大蕃茄，豬紅，豆卜，芽菜等等，仲有一大塊蟹膏🤩，蟹膏味道非常濃郁，好特別好好食，所以我哋另加多咗一件 ，一人一件唔使爭🙂↔️
💁♀️肉鬆軟包$48.00-
呢個我極度推介😍，本身同朋友掙扎緊究竟叫發包好定軟包好，後來我哋決定緊軟包，係因為怕發包太硬，我哋要咬好耐😂；肉鬆配軟包，超！級！好！食！肉鬆多到就嚟跌出嚟，配埋青瓜，紅蘿蔔絲，非常清新😝
💁♀️越南香茅雞翼5件$38-
上枱時熱辣辣，香茅夠晒入味
💁♀️米紙蝦卷2件$50-
呢款朋友嚟到就話一定要叫，佢好鍾意食，上枱時用葉包住，食之前拆開，入邊又係好足料，有扎肉，大大隻蝦，仲有香料等等，重點係，又係大大件，我朋友開心死🤣，特別醬汁我哋配咗自家醬汁，入邊有花生醬，酸白蘿蔔等等，好開胃
而飲品方面我哋order咗：
💁♀️牛油果沙冰$35-
朋友話想試好耐，好好飲，好似奶昔咁，唔會好似甜
💁♀️可樂$9-
正常罐裝可樂，因為當日太熱，一坐低我已經話要飲可樂🤭
甜品我哋都叫咗唔少🤭，包括：
💁♀️榴槤糕$10x2=$20-
超重榴槤味，100分😆，仲有少少榴槤肉喺入邊
💁♀️芒果糕$8x2=$16-
感覺大概好似芒果布甸咁
💁♀️馬豆糕$8x2=$16-
正常，不過要讚嘅係唔係太甜，亦唔會太晏
💁♀️芒果糯米卷$38-
大大天芒果肉包住喺入邊，一口咬落去，大大嚿芒果，正！
本身想叫斑斕綠豆糕，可惜太搶手，我哋太遲嚟，已經賣晒🥲
一定會再嚟食👍，下次要試吓法包🥖同斑斕綠豆糕
Post
