豪火鍋 (Closed)

禮拜一同班同事勁OT到十點，想慰勞下自己，想打邊爐食好少少，又唔想去Ｄ飲食既場，去到尖咀厚福街差唔到盡頭，見有間上樓既火鍋店，四百蚊左右有四個碟野，仲包加一茶錢，價錢都算幾平。入到去，人唔多，可能因為新開張，所有設備都好新。重點黎啦，我地三個人，叫左個四百蚊個套餐，先黎頭盤，冰鎮豪三寶，冰底載住豬腸，又凍又脆，正！仲有鮑魚！不過我最鐘意都係梅酒大丁涼瓜，苦瓜有話梅味，好脆，好有口感，酸味味好醒胃。根住黎個辣雞鍋，我叫左小辣，但都已經好辣，超正，有雲耳、黃牙白，愈浸愈好味，愈浸愈辣，雞好嫩又大份，加上鮮牛肉同菜籃，已經好夠我地三個人食，經理話牛肉係本地手切肥牛，唔係度度有得食，佢地好辛苦先搵到貨源，食落又真係新鮮Ｄ，牛肉好重。其實見到小炒有七折都想試下，不過雞鍋好好食，湯都好好飲，所以叫唔到其他小炒，下次再黎食小炒先。