Video
Read full review
2021-01-15
1129 views
呢間睇食評話，佢如果摘星嘅話就會好難book位；睇好耐，睇照睇餐牌，我一睇呢一句就決定去啦。😅後尾上網睇返係三星廚師開嘅，當日食完個感覺係非常好。總之個心決定會去第二次嘅，對我來講已經好高質。（選擇餐廳嘅時候盡量睇唔同渠道既食評，但唔係認真做功課個種，可能係失眠等天光、飲住酒睇既娛樂、放狗hea時間、急住選擇要快啲決定，快睇個種......對我黎講，食物係緊要但都睇埋成間野服務正唔正常；食物講到幾好都無用，如果講話服務太差就唔會選擇，大佬呀行為最少似返個人啦個種）前菜好味，唔記得係咩source配帶子粒。好味鵝肝醬，份量幾夠。但係個人仲係呆下呆下，一啖一啖咁食，冇咩特別感覺。因為又係宿醉，但點都要去嘅。呢啲好餐廳係冇得Walk in。平時book咗就算唔太舒服我都會照去；更何況呢個係碌咗你卡先既。（我幾欣賞咁樣，因為人哋真係預留材料同埋個位比你；唔想因為個人問題no show害人，最少收返個本呀）咬咗第一啖個包成個人醒咗，叮一聲咁；超好味呀！我原本仲怕呢種硬包我唔係咁鍾意，佢呢度係薄脆一層入邊係好軟既，麵粉味又香。我唔係一個鍾意食麵包嘅人，同埋我好怕麵包呢種比較難去預計卡路里嘅澱粉質。
呢間睇食評話，佢如果摘星嘅話就會好難book位；睇好耐，睇照睇餐牌，我一睇呢一句就決定去啦。😅後尾上網睇返係三星廚師開嘅，當日食完個感覺係非常好。總之個心決定會去第二次嘅，對我來講已經好高質。
（選擇餐廳嘅時候盡量睇唔同
渠道既食評，但唔係認真做功課個種，可能係失眠等天光、飲住酒睇既娛樂、放狗hea時間、急住選擇要快啲決定，快睇個種......對我黎講，食物係緊要但都睇埋成間野服務正唔正常；食物講到幾好都無用，如果講話服務太差就唔會選擇，大佬呀行為最少似返個人啦個種）
前菜好味，唔記得係咩source配帶子粒。
好味鵝肝醬，份量幾夠。但係個人仲係呆下呆下，一啖一啖咁食，冇咩特別感覺。因為又係宿醉，但點都要去嘅。呢啲好餐廳係冇得Walk in。平時book咗就算唔太舒服我都會照去；更何況呢個係碌咗你卡先既。（我幾欣賞咁樣，因為人哋真係預留材料同埋個位比你；唔想因為個人問題no show害人，最少收返個本呀）
咬咗第一啖個包成個人醒咗，叮一聲咁；超好味呀！
我原本仲怕呢種硬包我唔係咁鍾意，佢呢度係薄脆一層入邊係好軟既，麵粉味又香。我唔係一個鍾意食麵包嘅人，同埋我好怕麵包呢種比較難去預計卡路里嘅澱粉質。就算之前好食極嘅包，我可能都係咬兩三啖就算。呢個竟然食淨一舊，食淨一舊因為我開始覺得有少少飽😂。如果我唔留肚可能食唔到main。
油我就冇咩感覺，只係點好少，怕肥。下次會叫佢倒少啲俾我，費事浪費。
好味，但係唔係煎到魚皮脆嗰種；source都同魚夾。食緊個魚嘅時候我覺得已經飽咗。
跟住個女侍應捧住盤肉向我嗰個方向走，同埋拎到黎我面前。我即刻話我淨係叫咗魚炸，跟住佢再講返話係包埋嘅。因為我嗰陣時受「驚嚇」，我已經飽咗點食咁大兜肉；同唔記得咗，大家講返同睇返先見到原來有包埋牛既。（咁嘅價錢有兩個肉嘅主菜係少見）原來佢拎過嚟係想比我影吓相嗰種，嚇死我咩🤣🤣🤣因為我已經飽咗。
有食到一半，伴菜都好特別。特別係在於有別法國菜常有既伴菜😅。我應該加佢個粽既，咁多啲南美元素，但知自己一定食唔晒。下次有人同我一齊食先加啦。
甜品好甜，我唔鍾意甜野，有樣樣了少少黎試下就算。
普通
非常欣賞佢裝收據同找錢既信封仔，好有巧思，仲有講明係再造紙整既。返去即種左，睇下成唔成功😆
兩位serve我既女侍應同receptionist都非常有禮，同佢地會笑得好warm。有別於標準超高水準服務，呢度我覺得高，但再warm啲咁。全英文，唔見有本地人侍應（當日當餐）但我無book chef table,真係冇認真睇；後來睇返先知佢係玩omakase式既，我就貪快食到就book普通檯。呢間食完當下已諗住再黎，呢間真係有硬星既感覺。
同埋我1月14號，再諗住上網book佢平日lunch,睇睇下見到佢出咗情人節嘅餐單。我諗住book已經full左🥲
Post
