Video
Read full review
2024-09-16
734 views
今日同好耐冇見的朋友慶祝生日。因為我哋兩個工作都好忙，覺得要好好慰勞下自己。呢度仲可以睇到師傅點樣準備食材同煮食，成件事真係好開心！我叫咗三日月一人前鐵板餐，裏面有**前菜三小點加沙律** 前菜好清新，有一個好豐富嘅沙律，三小點入面嘅豆腐好香滑，最好食係煙燻嘅雞肉。**刺身拼盤** 拼盤包括油甘魚、油脂豐富嘅吞拿魚、鋪滿魚子醬嘅墨魚，刺身食落非常有鮮味。**茶碗蒸** 熱辣辣嘅茶碗蒸，蛋香好重，口感滑滑，入面仲有大粒嘅魚子。**鮑魚** 鮑魚略略煎過之後，切開五件，每件都非常香，表面鋪滿柚子汁同埋菊花花瓣，食落有啲清香。**帝王虎蝦** 我揀咗帝王虎蝦，賣相真係好靚，蝦頭有蝦膏。師傅特登煎香蝦頭蝦腳，令到成隻蝦每部份都可以進食，蝦肉爽口，搭配濃郁嘅蝦汁，食落真係令人回味。**羊肩胛肉** 我同朋友分享咗羊肩胛肉，佢再同我share和牛卷，仲有好多蔬菜同醬汁，羊扒煎到七分熟，真係香軟多汁。**鐵板炒飯** 最後仲有個櫻花蝦炒飯，配魚高湯同味噌湯，可以就咁食，亦都可以配高湯片茶漬飯。炒飯炒得乾身但唔油膩，海鮮香味十足，加高湯之後更加好味。
我叫咗三日月一人前鐵板餐，裏面有
**前菜三小點加沙律**
前菜好清新，有一個好豐富嘅沙律，三小點入面嘅豆腐好香滑，最好食係煙燻嘅雞肉。
**刺身拼盤**
拼盤包括油甘魚、油脂豐富嘅吞拿魚、鋪滿魚子醬嘅墨魚，刺身食落非常有鮮味。
**茶碗蒸**
熱辣辣嘅茶碗蒸，蛋香好重，口感滑滑，入面仲有大粒嘅魚子。
**鮑魚**
鮑魚略略煎過之後，切開五件，每件都非常香，表面鋪滿柚子汁同埋菊花花瓣，食落有啲清香。
**帝王虎蝦**
我揀咗帝王虎蝦，賣相真係好靚，蝦頭有蝦膏。師傅特登煎香蝦頭蝦腳，令到成隻蝦每部份都可以進食，蝦肉爽口，搭配濃郁嘅蝦汁，食落真係令人回味。
**羊肩胛肉**
我同朋友分享咗羊肩胛肉，佢再同我share和牛卷，仲有好多蔬菜同醬汁，羊扒煎到七分熟，真係香軟多汁。
**鐵板炒飯**
最後仲有個櫻花蝦炒飯，配魚高湯同味噌湯，可以就咁食，亦都可以配高湯片茶漬飯。炒飯炒得乾身但唔油膩，海鮮香味十足，加高湯之後更加好味。
Post
