雲川 米線．紅薯粉 (盈豐商場)

Open Now

Now Closed

雲川一直作為屯門超人氣嘅米線店存在，由細個做part-time已經開始食，到不停開分店，好耐無係總店食過，咁啱路過就決定去食。麻辣湯紅薯粉 (豬頸肉同墨魚咀）佢嘅湯底係偏重口味，湯底會有埋辣肉碎,芽菜,韮菜同蔥，可以增加口感同香味。麻辣湯其實係豬骨湯加麻辣，鐘意食麻辣嘅朋友推薦叫呢個湯底。作為招牌嘅豬頸肉點可以唔叫豬頸肉燒得超香，同埋會切左細細條先上，超方便我地啲口細細嘅女仔食。韮菜雲吞(6粒)唔推薦叫，肉質比較鬆軟，調味有少少醋，令食嘅時候帶酸。藤椒魚皮鍾意食魚皮嘅朋友一定要叫，超爽口，再配上藤椒，超麻，超好食！