Video
Read full review
2020-06-15
1921 views
Catch. #西環 ❗️超好食澳洲菜 Perfect place for brunch❗️喺呢邊返學咁耐，一直都冇留意到呢間高質澳洲菜餐廳🇦🇺最近見到有人介紹，食物賣相超吸引，特登去試吓，果然冇令我失望🤩聽聞餐廳一向多人排隊，不過嗰日我星期六下晝三點左右去到就唔需要等位，但係都坐滿咁滯。由澳洲嚟嘅大廚Alex Malof主理✨仲有另外兩間餐廳：位於大坑專售澳洲brunch菜嘅elementary 、喺正catch隔離食中東菜嘅mama malof 。呢度售賣嘅食品獨特，用常見嘅食材配搭出新奇好味嘅菜式👍🏻環境方面，餐廳環境寬敞，但燈光比較暗。留意番佢哋假日Menu同平日Menu唔同，平日有set lunch，但假日先有熱門嘅dirty egg同crab fries🥳 (不過我哋當日就無試到)。——————————————————Smoked trout florentine🍳$158Florentine即係Egg Benedict 加上菠菜。菠菜用蒜頭醃製過，係我最懷緬嘅外國菠菜煮法🥰有別於一般嘅egg Benedict，將英式鬆餅換上sourdough，厚身、外脆內韌，索埋蛋汁，更得我
❗️超好食澳洲菜 Perfect place for brunch❗️
喺呢邊返學咁耐，一直都冇留意到呢間高質澳洲菜餐廳🇦🇺最近見到有人介紹，食物賣相超吸引，特登去試吓，果然冇令我失望🤩聽聞餐廳一向多人排隊，不過嗰日我星期六下晝三點左右去到就唔需要等位，但係都坐滿咁滯。
由澳洲嚟嘅大廚Alex Malof主理✨仲有另外兩間餐廳：位於大坑專售澳洲brunch菜嘅elementary 、喺正catch隔離食中東菜嘅mama malof 。呢度售賣嘅食品獨特，用常見嘅食材配搭出新奇好味嘅菜式👍🏻環境方面，餐廳環境寬敞，但燈光比較暗。
留意番佢哋假日Menu同平日Menu唔同，平日有set lunch，但假日先有熱門嘅dirty egg同crab fries🥳 (不過我哋當日就無試到)。
——————————————————
Smoked trout florentine🍳$158
Florentine即係Egg Benedict 加上菠菜。菠菜用蒜頭醃製過，係我最懷緬嘅外國菠菜煮法🥰有別於一般嘅egg Benedict，將英式鬆餅換上sourdough，厚身、外脆內韌，索埋蛋汁，更得我歡心🍞仲要加上大量House smoked 三文魚，啖啖肉非常滋味🐟不過可惜egg Benedict嘅精髓荷蘭醬份量不足，齋食個蛋會有啲淡而無味🙈但加上黑椒、海鹽後，再配埋香濃嘅菠菜同埋三文魚，整體都幾滿足。
味道: 4.1/5
性價比: 4.1/5
Spicy crab pasta🍝$168
Angel hair, garlic, lemon zest crumbs
一向比較鍾意闊身意粉嘅我都超鍾意呢一間嘅辣蟹天使麵🤩欣賞廚師選擇咗angel hair，較為少見，但嗰種麵條獨有嘅幼身同咬口，配上蟹汁超好食😋再加上洋蔥、蒜頭、辣椒等等一齊，意粉汁唔係重忌廉稠身嗰種，但味道都非常香濃惹味，仲唔會咁易覺得膩👍🏻。
味道: 4.6/5
性價比: 4.4/5
Elementary peachy panna🍮$138
中間放咗一舊奶香細滑嘅布甸，周邊放置左香脆嘅granola，酸酸甜甜嘅莓、水蜜桃、布冧、百香果，加埋少許乳酪😆雖然食材簡單，但係用心佈置，而且酸甜配搭得剛好，一啖接一啖超快食晒！
味道: 4.2/5
性價比: 4/5
整體來講的確幾鍾意呢一間澳洲菜餐廳🥰佢哋嘅菜式全部都好靚，而且美味，仲要份量都好大，女仔食一碟已經會好飽😚依家越來越多Cafe，大部份售賣嘅食品都好類似，但呢一間餐廳嘅菜式配搭較為少見，而且水準較高，推薦👍🏻👍🏻👍🏻。
Smoked trout florentine
$158
92 views
0 likes
0 comments
Elementary peachy panna
$138
94 views
0 likes
0 comments
Spicy crab pasta
$168
82 views
0 likes
0 comments
Post
