廿一堂

Open Now

Now Closed

以前喺中環返工時，已經當廿一堂喺飯堂。 佢嘅刺身飯非常新鮮。另外，無論燒豚肉或牛肉都非常惹味，米飯亦採用來自日本山形縣嘅精米，非常香有飯味，粒粒分明，好飽肚。完全係升級版嘅吉野家。可能因為好食嘅關係，而家喺好多地區都見到廿一堂分店。 今晚就近近哋去荃灣分店回味下。今次晚餐叫了燒豚肉飯，跟餐附送麵豉湯同埋大福，再加$8 升級凍宇治抹茶鮮奶。燒豚肉非常惹味，吸收晒燒汁嘅味到。 豚肉脂肪比例平均，肉一層脂肪一層，超香。豬油浸落飯上，令整碗飯做到極致👍🏻 麵豉湯有昆布，麵鼓味唔會太淡。 大福嘅糯米軟綿綿，口感好煙韌 mochi mochi，入面喺新鮮忌廉。 糯米皮唔硬證明每日新鮮製作。 凍宇治抹茶鮮奶好濃烈嘅宇治抹茶味，鮮奶唔夠奶香。 宇治抹茶味比較出，不過不失。 但加$8 飲到宇治抹茶鮮奶，算抵了。