Video
Read full review
2017-11-24
770 views
隊際跳舞比賽攞到好成績, 排舞導師 book 好位請我哋食好西仲好神秘咁帶佐我哋去附近呢個工廈, 話食私房菜Miss 話呢個係 套餐 2 , 4位用 $1740, 而且好多正嘢好豐富香芒沙拉大蝦球, 好大碟沙律, 芒果好甜一啲都唔酸, 蝦球又大件又好重蝦味, 夾埋一齊食好正, 個沙律唔會話雪到凍冰冰咁樣啲溫度啱啱好, 淨係個沙律都咁正就知道會有好多好嘢食花雕雞油蛋白蒸大肉蟹, 淨係聽個名就知道係好犀利啦, 平時喺街食嗰啲通常都係避風港炒蟹啦, 辣椒羔炒蟹, 胡椒炒蟹, 又或者係咖哩蟹煲, 之如此類嗰啲啦 ( + + ) 花雕雞油蛋白蒸大肉蟹, 莫講話食, 就算係聽都未聽過, 所以我哋幾個人都覺得好神奇呀 花雕雞油蛋白蒸大肉蟹, 呢個蒸嗰啲蛋白真係白雪雪又滑嘟嘟, 仲有一種特別嘅油香味, 不過食落去又唔會覺得肥膩喎咁神奇, 嗰啲蟹肉食起嚟又真係鮮甜呀, 因為我年紀最細, 所以佢哋就俾咗一隻蟹鉗我食, 蟹鉗好多肉, 又嫩滑又鮮甜好味, 聽 Miss 講個蟹蓋嗰啲蟹膏都係好好味, 不過我冇份食蒜蓉粉絲蒸蟶子皇, 一碟總共有四條大蟶子, 我有一個奇怪嘅習慣就係未食蟶子先會食嗰啲蒜蓉, 因為
仲好神秘咁帶佐我哋去附近呢個工廈, 話食私房菜
Miss 話呢個係 套餐 2 , 4位用 $1740, 而且好多正嘢好豐富
香芒沙拉大蝦球
28 views
0 likes
0 comments
花雕雞油蛋白蒸大肉蟹
32 views
0 likes
0 comments
19 views
0 likes
0 comments
28 views
0 likes
0 comments
蒜蓉粉絲蒸蟶子皇
12 views
0 likes
0 comments
13 views
0 likes
0 comments
白胡椒爆炒南非鮑魚
20 views
0 likes
0 comments
白胡椒爆炒南非鮑魚, 呢個又係一個我從來未食過嘅餸, 淨係聽個名就知道係好爆啦, 因為喺出面多數食啲鮑魚, 通常係清蒸鮑魚, 紅燒鮑魚, 炆鮑魚, 炸鮑魚, 焗鮑魚, 燒鮑魚, 但係白胡椒爆炒南非鮑魚, 莫講話食, 就算係聽都未聽過, 今次見識又多咗啲嘢
白胡椒爆炒南非鮑魚, 一碟有四個, 個個鮑魚都又大又厚肉, 食起上嚟啲味道好得意, 因為又辣辣地咁樣, 好香口好惹味但係鮑魚仲係好新鮮味, 鮑魚一啲都唔韌
我其實比較有興趣想知道多啲究竟呢個白胡椒爆炒南非鮑魚嘅英文係乜嘢呢, 會唔會就係 White Pepper Explosive fried Abalone, 睇嚟呢個英文名都幾有型呀
生煎東星斑
27 views
0 likes
0 comments
20 views
0 likes
0 comments
江南百花雞半隻
20 views
0 likes
0 comments
江南百花雞半隻, 呢個餸名又係好得意, 最令我諗起嘅就可能係清朝嘅乾隆皇下江南, 唔知呢碟餸嘅由來, 會唔會係同乾隆皇有關呢? 又或者會唔會同和坤又或者紀曉嵐有關呢? 一時之間好多有關於清朝嘅嘢沖曬上腦 ( > < ) 定係呢度所講嘅江南係PSY大叔, 幾年前所唱嘅 Gangnam Style 嘅江南??
呢個江南百花雞都好特別, 因為雞肉係起曬骨嘅, 即係唔會有骨而係啖啖肉, 而且係俾一啲嘢包住嘅, 而包住雞嘅東西係叫做蝦膠, 究竟係乜野神奇嘅人會諗起用花膠包住隻雞去煮呢, 會唔會就係乾隆皇? 又會唔會香妃/ OMG, 不過講是講, 呢個雞係真係好好味, 因為又軟滑又入味又有蝦膠味又有雞味, 嘩! 好多種味! 呢個味道實在太深奧啦! 相信俄羅斯領導人普京食咗之後, 都唔可以用廣東話譯翻出嚟呀, 呢種味道, 唔係講笑真係好好味
上湯浸時菜
15 views
0 likes
0 comments
招牌御膳炒飯
13 views
0 likes
0 comments
20 views
0 likes
0 comments
甜品, 甜品係一個奶凍, 奶凍上面有一粒藍莓, 奶凍又白又滑, 溫度未至於冰凍, 又比室溫凍, 應該係啱啱好, 原來奶凍加埋藍莓係會食到另一種感覺嘅, 呢種感覺就係得意味
呢一餐真係超好食, 太有特色啦, 超多謝排舞 Miss囉
Post
