Mata Japanese Cuisine

Open Now

Now Closed

今日去咗長沙灣後街，估唔到長沙灣而家多咗咁多嘢食，喺長沙灣廣場無意中發現一間日式餐廳食物質素非常高，所以好值得喺度推介一下。Maya Japanese Cuisine 餐廳喺長沙灣廣場3樓308號舖，入到去裝修好有日式風情，氣氛好有格調，每一件食物好精緻，睇得出廚師係好用心製作。吉列黑豚豬扒配秋田小丁米飯，豬扒飯餐跟咗兩個前菜酸蘿蔔，牛舌海苔。吉列豬扒炸到好香，外面金黃色入口口感脆卜卜，最正就係豬扒肉質好嫩，食落去好Juice，豬扒帶少少脂肪，食落去特別香口。好鍾意食旁邊個椰菜，味道都好清新，小丁米飯比一般日本飯更加煙靭。黑蒜油叉燒拉麵，拉麵賣相好吸引，有兩大片叉燒，海苔，粟米，芝麻。拉麵軟硬度適中，入口麵身比較彈牙，黑蒜油味道好突出，令到叉燒嘅味道更加有層次。呢個拉麵絕對係有驚喜。每一個餐都跟餐廳自家製嘅曲奇餅，曲奇餅非常，香口，花生味香濃，好鬆脆。好味到忍唔住買咗少少返屋企食。最後點咗咖啡酒配曲奇餅，估唔到兩樣嘢味道可以咁夾。咖啡帶少少甜香配曲奇餅真係一絕。