湯品小棧 (Closed)

睇完戲行完街又係時候搵食，上網搵下有咩揀，呢排少湯水，決定食呢間燉湯，三十幾蚊起有湯有飯好抵食。小食很多選擇，湯有六款，有一個係是日special的廚師推介，幾款都好吸引，最後決定要松茸同瑪卡。先上松茸，別睇佢杯仔細細，實際上好大碗，兩人飲都夠。湯原汁原味勁濃烈，勁強菇味，入面仲有紅蘿蔔，木耳，瘦肉等，清甜勁正，呢啲先係真正嘅靚湯。另一個瑪卡，同樣上枱時香噴噴。顏色較混沌，但無損味道，入口甘香味濃，味道比松茸霸道，同樣勁好飲，真材實料呢。小食要了鹵蛋同鹵排骨，鹵水汁味無驚喜，勝在似住家飯味無添加。仲有玫瑰雞翼，帶少許酒香，十分入味。主食要了紅米飯，都好大碗下，絕對夠飽。另一個要了新竹米粉，韌度十足，配湯一流。兩個湯十分滿意，非常好飲，而且夠哂熱，湯水就係要夠滾先好飲。