Video
Read full review
2023-02-13
6226 views
之前見米紙介紹過呢間店嘅豉油雞，我地做冬嘅時候叫過外賣嚟試覺得的確唔錯，不過外賣真係凍咗要自己叮返熱食😳，所以決定返兜去試埋堂食，試完真心推介！想食平啲仲可以揀佢哋啲便當🍱，豉油雞便當都係$60咋💛▪️招牌口水雞(半隻) $89▪️雞肉好滑好滑，雞皮好爽口，中間仲有層薄薄地嘅啫喱，就算食到雞胸位都唔會鞋唔會痴牙，真心好難得😱！佢個口水雞醬真心高質，辣得嚟好香又好麻😍，唔會好似出面有啲食店只係落下辣椒油就話係口水雞🤣，加埋芝麻同花生碎更加香口🤤▪️秋意去骨豉油雞(半隻) $89▪️一開頭見到雞皮位置咁深色諗緊會唔會得陣死咸味呢🤔，但食落就完全唔會，不但唔會太咸仲有甜甜地嘅豉油香🤤，雞肉都一樣係咁滑，唔鍾意食辣嘅朋友仔絕對要試豉油雞！▪️川味水煮魚 $218▪️想食咩辣度都可以同店員溝通咗先😉，我地叫咗小辣覺得辣同麻都啱我地食😍，魚片好厚身好爽好脆口嘅感覺，仲要係完全冇骨，配菜分別有豆卜、雲耳、芽菜，加埋煙煙靭靭嘅寬粉真係好豐富🥹▪️秋意特色酸菜魚 $178▪️食之前試飲咗湯先，少少酸少少辣飲落好開胃🤤，之後陣麻味先慢慢湧出嚟😍，酸菜甜甜地好掛湯，而佢用嘅魚片、配菜都係同水煮魚一樣～
▪️招牌口水雞(半隻) $89▪️
雞肉好滑好滑，雞皮好爽口，中間仲有層薄薄地嘅啫喱，就算食到雞胸位都唔會鞋唔會痴牙，真心好難得😱！佢個口水雞醬真心高質，辣得嚟好香又好麻😍，唔會好似出面有啲食店只係落下辣椒油就話係口水雞🤣，加埋芝麻同花生碎更加香口🤤
▪️秋意去骨豉油雞(半隻) $89▪️
一開頭見到雞皮位置咁深色諗緊會唔會得陣死咸味呢🤔，但食落就完全唔會，不但唔會太咸仲有甜甜地嘅豉油香🤤，雞肉都一樣係咁滑，唔鍾意食辣嘅朋友仔絕對要試豉油雞！
▪️川味水煮魚 $218▪️
想食咩辣度都可以同店員溝通咗先😉，我地叫咗小辣覺得辣同麻都啱我地食😍，魚片好厚身好爽好脆口嘅感覺，仲要係完全冇骨，配菜分別有豆卜、雲耳、芽菜，加埋煙煙靭靭嘅寬粉真係好豐富🥹
▪️秋意特色酸菜魚 $178▪️
食之前試飲咗湯先，少少酸少少辣飲落好開胃🤤，之後陣麻味先慢慢湧出嚟😍，酸菜甜甜地好掛湯，而佢用嘅魚片、配菜都係同水煮魚一樣～
Post
