Video
Read full review
2020-03-18
384 views
是日放下晝，搵個地方食野兼hea下先，上網見到觀塘呢間森泰遠有62蚊嘅半自助餐，近近地公司，加上價錢平到咁一試無妨呀，都唔期望好高質，點知食落又有驚喜喎！飲品區同熟食區，飲品有自制檸茶，熱無糖茶，即沖咖啡等。熟食是日係蒸南瓜，蒸奶黃包同一盤西生菜，不太吸引就無試了。湯，沙律同甜品區，雖然少款，但keep得好衞生，啲器皿好乾淨。整了兩杯檸茶，朋友杯係凍嘅有糖，自己杯用無糖熱茶，ok啦，可以無限refill。是日餐湯係中式嘅赤小豆煲瓜湯，素湯來的，清清地都幾好飲。去自助沙律區整左個生菜加青瓜紅蘿蔔沙律，醬汁有千島醬同奇妙醬揀，菜新鮮爽脆無變黑。仲有薯仔沙律（後），主要係薯仔加蘋果，賣相一般但幾好味，醬汁酸酸甜甜調味不錯。前面圓圓的是小形pancake，一口size方便食，軟綿綿有蛋香，好味喎。主菜到了，朋友點了窩夫配煎雞扒，自己點了麵包布甸配吉列豬扒。即叫即整㗎，四樣野都熱辣辣。雞扒煎得金黃色好吸引，皮香肉嫩，勁厚身啖啖肉，正呀。窩夫超正！比起不少主打窩夫的店還好吃，外脆內軟，食落滿滿的蛋香，配上甜甜的糖漿仍食到隱隱的牛油味和奶香味，有誠意之作！自己呢份吉列豬扒大塊到有點驚人，哈哈，全塊肉
飲品區同熟食區，飲品有自制檸茶，熱無糖茶，即沖咖啡等。熟食是日係蒸南瓜，蒸奶黃包同一盤西生菜，不太吸引就無試了。
湯，沙律同甜品區，雖然少款，但keep得好衞生，啲器皿好乾淨。
整了兩杯檸茶，朋友杯係凍嘅有糖，自己杯用無糖熱茶，ok啦，可以無限refill。
是日餐湯係中式嘅赤小豆煲瓜湯，素湯來的，清清地都幾好飲。
去自助沙律區整左個生菜加青瓜紅蘿蔔沙律，醬汁有千島醬同奇妙醬揀，菜新鮮爽脆無變黑。
仲有薯仔沙律（後），主要係薯仔加蘋果，賣相一般但幾好味，醬汁酸酸甜甜調味不錯。前面圓圓的是小形pancake，一口size方便食，軟綿綿有蛋香，好味喎。
主菜到了，朋友點了窩夫配煎雞扒，自己點了麵包布甸配吉列豬扒。即叫即整㗎，四樣野都熱辣辣。
雞扒煎得金黃色好吸引，皮香肉嫩，勁厚身啖啖肉，正呀。窩夫超正！比起不少主打窩夫的店還好吃，外脆內軟，食落滿滿的蛋香，配上甜甜的糖漿仍食到隱隱的牛油味和奶香味，有誠意之作！
自己呢份吉列豬扒大塊到有點驚人，哈哈，全塊肉只有邊位少少骨，望落厚身，而實際上炸粉亦不厚，內裏真的是厚切豬扒，喔喔脆的粉漿加上厚厚的肉好滿足啊～
麵包布甸也是很有驚喜，布甸十分香滑，就是雞蛋牛奶的味道，麵包吸飽了牛奶再烘烤，軟綿綿又不失香脆，加上甜度適中，太好味火速ko了。
食到一半廚房拿了新甜品出來，是朱古力味的蛋糕卷，雖然好飽，但當然要試一塊啦。
我地食到三點多發覺沒有客人了，平日上班時段較靜吧，店內空間不錯，枱與枱之間很濶落。雖然其貌不揚，但食物有水準，價錢平到笑，好味又抵食啊！
Post
