甜圓坊

Open Now

Now Closed

提起香港既芋圓，大家可能即刻諗起深水埗既一間涼茶舖。不過朋友就大推同區既一間台式餐廳，古有華山論劍今有芋圓大戰，今次一於比併一下喇⚡️。一入店內就見到形形色色食物相貼係牆上，樣樣都好似好吸引。最後我地就每人叫左個嫩仙草奶凍，等左一段時間終於黎到啦。一啲圖文不符都無，同牆上既圖一樣大大碗好足料🥄，除左仙草底仲有多種配料，包括芋圓、地瓜圓🍠、綠豆仁、薏仁、紅豆、珍珠、湯圓同西米。仙草真係好嫩滑，好軟淋淋既感覺，不斷係口腔滑黎滑去。而配料亦配合得天衣無縫，芋圓同地瓜圓🍠超驚喜，好Q好煙韌，仲食到粒粒芋頭同地瓜蓉係入面，令人食到上癮🤤。我諗係我係香港食過最好食既芋圓仙草甜品。