Video
Read full review
2023-10-28
47 views
收工約左港島friend gathering, 想打下邊爐又唔想食任食得2個鐘😅入到嚟環境幾靚喎，門口有打卡位有d vintage feel。音樂係播緊2000年代成日唱k 果d Eason Sammi 古sir 伊健嘅歌，好岩我🤩 叫左呢度嘅2人餐, 人均$368, 見有肉有海鮮有菜食。出去混醬見到好多泰式醬料，即刻拎左檸檬葉，泰式辣醬同特制醬料，醬料都幾正～✅️芫茜皮蛋湯底湯底好多料呀，又會有d 肉同豆腐，加埋岩岩混好嘅醬料食超開胃👍🏻✅️潮汕牛拼盤有4個部位包括雪花，吊龍，匙柄，匙仁。覺得吊龍最好食，最有牛肉味口感最好，肉質會比較細嫩，又好滑嘅。牛肉我就冇點醬都覺得好食😍✅️海鮮拼盤海蝦爽口，蠔都好新鮮。最最最正係蟶子皇，爽口彈牙有口感，食到好鮮甜，大推食蟶子呀👍🏻✅️響鈴午餐肉第一次食響鈴係有午餐肉係入面，好香口又夠脆，呢款小食好得喔😍✅️水餃拼盤香葉肉碎餃，芫茜豬肉餃，黃芽白大頭菜豬肉餃。最鐘意食香葉肉碎餃，入面好juicy又好有泰式feel✅️手打丸拼盤揀左九層塔蝦丸、梅菜豬肉手打丸、牛丸， 手打丸整得好彈牙有肉味，九層塔蝦丸勁泰式，食到九層塔味道好正✅️蔬菜拼盤侍應有講係本地有機菜，淥
叫左呢度嘅2人餐, 人均$368, 見有肉有海鮮有菜食。出去混醬見到好多泰式醬料，即刻拎左檸檬葉，泰式辣醬同特制醬料，醬料都幾正～
✅️芫茜皮蛋湯底
湯底好多料呀，又會有d 肉同豆腐，加埋岩岩混好嘅醬料食超開胃👍🏻
✅️潮汕牛拼盤
有4個部位包括雪花，吊龍，匙柄，匙仁。覺得吊龍最好食，最有牛肉味口感最好，肉質會比較細嫩，又好滑嘅。牛肉我就冇點醬都覺得好食😍
✅️海鮮拼盤
海蝦爽口，蠔都好新鮮。最最最正係蟶子皇，爽口彈牙有口感，食到好鮮甜，大推食蟶子呀👍🏻
✅️響鈴午餐肉
第一次食響鈴係有午餐肉係入面，好香口又夠脆，呢款小食好得喔😍
✅️水餃拼盤
香葉肉碎餃，芫茜豬肉餃，黃芽白大頭菜豬肉餃。最鐘意食香葉肉碎餃，入面好juicy又好有泰式feel
✅️手打丸拼盤
揀左九層塔蝦丸、梅菜豬肉手打丸、牛丸， 手打丸整得好彈牙有肉味，九層塔蝦丸勁泰式，食到九層塔味道好正
✅️蔬菜拼盤
侍應有講係本地有機菜，淥左一段時間都唔會變黃，夠綠好新鮮，有幾條菜重有d甜味喔～
✅水雲麵
佢地教我食, 可以按個人超好去淥。我鐘意硬身少少就淥2分鐘，好掛湯又好𡁻口，再混埋自己嘅醬料好食喔～
Post
