Video
Read full review
2024-06-11
7269 views
🇹🇭🍲🥢超抵食一人一鍋泰式火鍋🍲湯底呢度嘅湯底都有八款選擇，但係嚟到泰式火鍋店梗係揀泰式嘅湯底，起碼出面冇得試。我哋就揀咗冬陰功湯底同埋椰奶雞湯湯底，兩款味道都唔錯。🥩肉肉如果選任食嘅話就三百幾蚊，如果定食嘅話就平好多，$88起就有，但都有分70分鐘、120分鐘及無限時，定食套餐亦都可以加幾十蚊變做無限肉，但係只會俾你落嗰個套餐嘅肉。例如你叫嘅係牛胸肉套餐，你只可以任食牛胸肉。🧂調味料區呢度嘅配搭非常豐富，除咗基本嘅芫荽、蔥、指天椒、蒜蓉、蒜片、炸蒜、麻醬、醬油，更加有芝士粉、冬陰功醬、花生粒、菜脯、黑椒碎等。除此之外，亦都有泰式嘅醬汁提供，例如泰式綠椒汁、泰式特製汁、泰式沙律汁等。🍥配料區就算叫最平嘅定食選項，呢個配料區都係任食。選擇都有好多，蔬菜類嘅有油麥菜、生菜、娃娃菜、芽菜、萵筍、菜苗等。菇類亦都有金菇、冬菇、秀珍菇等。另外素菜類亦都有豆腐、蟲草花、木耳、南瓜、粟米、蓮藕、蒟蒻等。至於肉類，亦都有超多選擇，丸類有龍蝦丸、魚蛋、豬肉丸、蟹籽丸、炸三文魚丸、牛丸、墨魚丸等，另外亦都有芝心包、海鮮三文治、泰式魚餅、芝士南瓜餅、獅子狗、炸魚片頭、芝士豆腐。！！仲會有蝦提供。🥘熱食有一鍋
超抵食一人一鍋泰式火鍋
🍲湯底
呢度嘅湯底都有八款選擇，但係嚟到泰式火鍋店梗係揀泰式嘅湯底，起碼出面冇得試。我哋就揀咗冬陰功湯底同埋椰奶雞湯湯底，兩款味道都唔錯。
🥩肉肉
如果選任食嘅話就三百幾蚊，如果定食嘅話就平好多，$88起就有，但都有分70分鐘、120分鐘及無限時，定食套餐亦都可以加幾十蚊變做無限肉，但係只會俾你落嗰個套餐嘅肉。例如你叫嘅係牛胸肉套餐，你只可以任食牛胸肉。
🧂調味料區
呢度嘅配搭非常豐富，除咗基本嘅芫荽、蔥、指天椒、蒜蓉、蒜片、炸蒜、麻醬、醬油，更加有芝士粉、冬陰功醬、花生粒、菜脯、黑椒碎等。除此之外，亦都有泰式嘅醬汁提供，例如泰式綠椒汁、泰式特製汁、泰式沙律汁等。
🍥配料區
就算叫最平嘅定食選項，呢個配料區都係任食。選擇都有好多，蔬菜類嘅有油麥菜、生菜、娃娃菜、芽菜、萵筍、菜苗等。菇類亦都有金菇、冬菇、秀珍菇等。另外素菜類亦都有豆腐、蟲草花、木耳、南瓜、粟米、蓮藕、蒟蒻等。
至於肉類，亦都有超多選擇，丸類有龍蝦丸、魚蛋、豬肉丸、蟹籽丸、炸三文魚丸、牛丸、墨魚丸等，另外亦都有芝心包、海鮮三文治、泰式魚餅、芝士南瓜餅、獅子狗、炸魚片頭、芝士豆腐。！！仲會有蝦提供。
🥘熱食
有一鍋冬陰功湯可以任飲，另外亦都有白飯提供，旁邊會有菜心、泡菜、蛋咖喱燴蝦及泰式肉碎提供，蛋咖喱味道吾錯，而泰式肉碎更加可以自己整成生菜包就甘食😋
🧃飲品
選擇都幾多，有自家製嘅檸檬香茅水，亦都有唔少紙包及罐裝飲品，例如解茶、汽水、竹蔗茅根、黑糖薑母茶等。
🍦雪糕雪條
午市冇咩甜品選擇，主要係有幾款雀巢嘅雪條。
Post
