米米食

Open Now

Now Closed

.近期疫情真係好嚴重，要食飯都盡量選擇外賣。今日就揀咁食依間出名好食嘅黃店💛。佢嘅炒飯出咗名係大碗又好食，作為一個元朗人到今日先試真係有啲慚愧。大熱天時仲見到個廚師全身出曬汗都戴住口罩煮嘢食，真係好辛苦，亦都抵讚🙌🏻，希望元朗人得閒就去幫襯下啦。原條鰻魚炒飯（炒飯底）$98我想講個炒飯真係好！大！份！對細食嘅人嚟講依個會係二人份量，依個價錢係絕對抵食。唔止有原條鰻魚喺面，個炒飯入面都有細細粒嘅函魚㗎。啲飯食得出係用咗日本米，炒到粒粒分明又夠乾身，仲好香添呀。墨魚餅 $30一份有五件，外皮炸到好脆唔厚粉，入面仲食到粒粒墨魚肉粒，不過就有少少油啦。