米米食

Open Now

Now Closed

幾乎每次經過都會買 五十幾蚊一個絕對值🥺 次次都一樣咁好咪 足料 鑊氣夠 飯嘅軟硬度適中 香氣十足❤️❤️❤️作為鰻魚愛好者 我覺得呢個鰻魚飯真係可以話係世一級好食！ 希望多啲人幫襯等佢長做長有❤️

【莎拉元朗外賣推薦】港式靚湯|米米食即時order 即時煮，仲有得收八達通勁方便。🍛燒汁牛肉飯 $50香濃牛肉，燒汁惹味，雖然佢係外賣店但完全唔會輸俾出面嘅餐廳❤️ 好大碗，建議女仔要share 食😂🍲 南北杏蜜棗佛手瓜紅蘿白粟米湯 $28湯料好足，有雞腳、佛手瓜、紅蘿蔔、粟米等。好味夠清甜❗️無防腐劑靚湯清潤一下身體❤️其他好味之選：#三文魚炒飯#藥膳流心醉蛋👍🏻❌逢星期一休息❌唔好摸門釘係千色廣場格離

入黎元朗覓食，聽聞米米食既原條鰻魚飯出名抵食，就買左一盒返屋企食。真係大大條鰻魚，鰻魚汁都多，鰻魚有少少um，但可接受，飯係用珍珠米煲，索哂鰻魚汁，軟硬適中，呢個價錢係抵食既。呢到得外賣，冇得堂食的，我去到得一人工作，要等一陣，順便可以去附近小店買其他野食🤣

😋三文魚鰻魚炒飯 $57我通常就嗌呢個雙拼炒飯佢啲珍珠米炒得粒粒分明好夠火候同鑊氣燒汁滲入每一粒飯😋非常夠味老闆次次都落好多煙三文魚同鰻魚勁足料😏啲炒飯多到滿瀉咁美中不足嘅係鰻魚好多骨🥲食落冇咁方便好味指數：🌕🌕🌕🌕-📍💸人均消費：$60

米米食喺元朗區係一間非常出名嘅食店，位於千式隔離，中午lunch嘅時候，就去買個外賣試吓先！呢個係燒汁肥牛飯，另外我再加兩串雞軟骨。燒汁肥牛肥份量大，上面放滿肥牛，而且汁都唔少；牛下面嘅米係珍珠米，仲要好多，食完係勁飽肚！肥牛嘅味道好好，唔會太鹹，而且肉質都唔柴同乾！配埋飯真係令人一口接一口咁食唔停！雞軟骨都燒得幾香，而且唔會太硬。米米食價錢實惠，而且份量大，性價比好高。推薦各位去試吓，由其依家冇晚市，要支持呢啲外賣店。

荃灣小食店外賣店 米米食形容為廚房 更貼切適合在外面點食品 廚師即叫即煮確保食物新鮮和溫度此店貼著店員是弱聽 點菜要大聲 不知道是說笑還是認真呢😂我點了一盤炸雞拼盤 $50有雞皮串、雞腎串、炸雞扒、雞軟骨和炸雞翼😋用紙盒裝著 雞皮串炸得很脆 雞腎 雞軟骨 不過不失不過調味不夠 淡一點炸雞翼和炸雞扒反而夠味可能因為有醃製 吃起來雞肉嫩滑～

成日都黎米米食買外賣，因為佢啲飯真係好好食。食左咁多餐，又寫番個整合食評先。店名換左燈箱啦，而加離遠都易望到好多。先黎個好出名嘅鰻魚炒飯，係一盒滿哂嘅，好多網友話夠兩個人食，但我就自己一個人ko一盒完全無問題啦。盒飯係炒得好香嘅，啲汁啱啱好包住每粒飯，入面嘅鰻魚亦落得好多，幾乎啖啖都食到鰻魚，味道無得挑剔，不過炒飯食咁大盒會膩，都係share食會好啲。燒汁肥牛飯係至愛，個汁同啲牛勁好食，水準絕對高過吉x家。鯖魚飯又係正，煎得香噴噴，加上甜甜鰻魚汁好好味。家人愛食雞扒飯，勁大塊雞扒，仲要剪好先入盒，方便食呀～點少得出晒名嘅原條鰻魚飯，勁大條鰻魚正呀！肥美厚肉，啲鰻魚汁撈白飯超正，個人覺得白飯底已經夠正，鰻魚飯再加鰻魚炒飯就太heavy啦，哈哈，但係值得試嘅。前排仲有特價嘅咖哩肥牛飯，咁大盒賣廿蚊咋，有無錢賺㗎？啲飯多到爆出黎，真係爆晒，勁多咖哩汁，漏左好多落膠袋都仲咁滿，仲要睇下啲肥牛多到呢，平到離晒譜。味道仲要好好味，日式咖哩汁正，太多飯太多肉食唔哂呀～啲飯咁好味嘅秘密係？用櫻城牌珍珠米囉！多多支持小店

只有外賣的米米食，店主好好人。同見佢得一個人煮同洛單，feel到入面好熱，辛苦晒🙇🏻‍♀️。見到有無敵鰻魚炒飯好似好勁咁🙆🏻‍♀️係原條鰻魚🐟，因為太長，要折埋至入到飯盒😂。仲要係鰻魚汁炒飯，係珍珠米🙆🏻‍♀️好好食，如果可以再濃d味就最好。題外話，叫外賣最好自己拎飯盒去 因為新鮮炒出嚟，好熱嫁！🔥食到最後見到d發泡膠有啲溶左🥺其實今次自己都有拎食物盒去不過店主太忙唔記得左用😅唔梗要牛肉炒飯🐮，店主好好咁落左燒汁比我去炒。中間會有d牛肉粒不過量唔算多。d飯都係好好食😋有機會想食下佢個TG炒飯

元朗。無敵鰻魚炒飯🥄無敵鰻魚炒飯 $98 （勁大份，兩個女仔份量）係鰻魚炒飯+成條鰻魚🙈 炒飯入面都多鰻魚粒，而飯就用左日本米，我最怕鰻魚有骨🤣食落唔覺有骨，不過都望到d勁細食到既骨。間小店係千色隔離，我去到前wtsapp左店主，10分鐘拎得👍🏼 都可以提早同會講想幾點黎拎！真係好方便呀！去到只係比錢就拎得，唔洗等咁耐！非常好！睇返餐牌仲有好多小食，有串燒、芝士年糕、仲有TG炒飯🤣🤣不得了下次要試

🔹無敵鰻魚炒飯 $98鰻魚炒飯再加成條鰻魚係面 點有得輸呀？而且個鰻魚炒飯係好好好好味 炒飯好味夠 炒到粒粒分明 係乾爽型果種 好怕鰻魚炒飯濕濕地 而且炒飯入面都有好多鰻魚粒 而整條鰻魚都無骨 佢地仲用咗日本米㗎！呢個份量係足夠2個唔大食嘅女仔 真係好抵食！🔹櫻花蝦炒飯 $58如果鍾意蝦味嘅話一定鍾意呢個飯每一啖都好香蝦味 比起鰻魚炒飯 呢個更加乾爽炒飯嚟講真係出色 不過我就鐘意鰻魚多過蝦啦TG炒飯都幾出名 勝在夠特別 下次再試下可以whatsapp米米食落定單架 15分鐘左右去到就拎得🍴搵返相關地區👉🏻 #90sfoodieshare_元朗#食在元朗 #元朗黃店

雖然疫情關係,大家都出唔到街食嘢🤭但係貪食嘅心都冇變,期待疫情過後繼續可以同大家找尋更多好西🤘🏻忍一忍而家就留住喺屋企做傻豬，自己煮或者食外賣先啦👍舖頭總共有三款炒飯包括鰻魚炒飯$50原條鰻魚配白飯底$68無敵鰻魚炒飯配炒飯底$98可以根據個人經濟及口味因素而購買🤗小編唔係住果頭，所以專登入到去唯有揀佢哋最出名嗰款試無敵鰻魚炒飯😆原條鰻魚肉質都幾肥美，燒完後都唔會好乾身炒飯都幾出色，炒得粒粒分明，而且飯粒有咬口，而且夠哂乾身😌$98價錢唯然貴咗啲，不過就夠哂大份，可以當2餐食都得☺️

食咗好幾次，完全keep到水準，忍唔住要入黎OpenRice 㩒個正評米米食主要做外賣，鋪位細細，炒飯即叫即炒，好食嘅嘢就點都要等一陣喇。原條饅魚炒飯就招牌菜，仲有櫻花蝦炒飯，食完絕對飽肚，絕對超值。米米食用既係珍珠米，煙韌有口感，饅魚切開一小舊，燒得好香。點解我話世界級？睇圖都明，通常啲饅魚炒飯又濕又油，呢個有燒汁甜甜咸咸嘅味之餘，份量落得啱啱好，最重要係炒得好均勻，燒汁剛好包住粒米，乾身得黎又唔會un住喉嚨，又唔會好濃味，蔥粒又切得幼細，我每不一啖飯都食到蔥香，感覺差唔多到飯焦，少少焦焦地嘅味，但啲飯又唔會好硬總之真係超好食！！！

.近期疫情真係好嚴重，要食飯都盡量選擇外賣。今日就揀咁食依間出名好食嘅黃店💛。佢嘅炒飯出咗名係大碗又好食，作為一個元朗人到今日先試真係有啲慚愧。大熱天時仲見到個廚師全身出曬汗都戴住口罩煮嘢食，真係好辛苦，亦都抵讚🙌🏻，希望元朗人得閒就去幫襯下啦。原條鰻魚炒飯（炒飯底）$98我想講個炒飯真係好！大！份！對細食嘅人嚟講依個會係二人份量，依個價錢係絕對抵食。唔止有原條鰻魚喺面，個炒飯入面都有細細粒嘅函魚㗎。啲飯食得出係用咗日本米，炒到粒粒分明又夠乾身，仲好香添呀。墨魚餅 $30一份有五件，外皮炸到好脆唔厚粉，入面仲食到粒粒墨魚肉粒，不過就有少少油啦。

之前用熊貓有coupon成日叫米米食，而加用多左其他途徑，但外賣首選依然係呢度。是晚又係叫左平時食開個幾樣，真係太鍾意佢個白飯了。香煎雞扒飯，之前個雞扒熱得濟會熱溶個發泡膠盒，而加改進左放左塊牛油紙，可以隔熱兼隔油，做得好！雞扒依然大大塊又香口，無骨無筋好正。燒汁牛肉飯，今次係紙盒裝，份量一樣咁大，牛肉爆多，甜甜地嘅醬汁好正，送飯一流。試下新野鯖魚飯，成塊鯖魚上霸左半個盒，哈哈，魚肉札實有口感，甜醬汁好味，送飯真心正，米米食個白飯太好味，我覺得無餸無汁都可以食到兩碗。同場加影～炸薯條，有人話想食所以叫左，大大兜，雖然倒汗水搞到佢淋左，擺入焗爐加一加熱抽乾水份效果理想，哈哈。四十幾蚊個飯太抵食了，正呀～

今日未到晚飯時間經過開，就打算買外賣返屋企食，見到le間米米食有鰻魚炒飯又有炒意粉，一人一樣啱啱好試新野！叫左一個鰻魚炒飯、一個炸帶子炸蟹鉗炒意粉，等左陣有得攞，返到屋企打開非常驚喜，大大盒，結果老公都食淨飯要留返聽日食。鰻魚炒飯炒得好乾身，唔會有好多油既感覺，又好味，又大份，真係唔錯！意粉食咗少少先影相，意粉原本係滿一碗，炸蟹鉗同炸帶子各有兩件。意粉都好乾身，炸物又係唔油，酥脆，但食完唔會好熱氣👍🏻。食完兩樣野，一定有下次😋