十三少 (Closed)

最近天氣一早一晚溫差大，今晚放工返到元朗感覺涼涼地想吃一點熱鍋，經過最多食肆選擇的又新街，見到「十三少酸菜魚」的招牌就有feel想食。餐廳樓底甚高，座位寬敞有卡位坐得舒服，同朋友/家人相聚最適合不過，也適合住附近的街坊兩口子開飯。看看餐牌，他們有一個二人餐：前菜小吃+酸菜魚/水煮魚+一個小炒+兩碗白飯都只係$338，+$28 仲有埋甜品tim! //椒麻皮蛋//擺盤靚靚一定要相機食先。皮蛋用上了透明溏心而不是黑色的皮蛋，讚！除了加上少少麻的辣汁之外，整個前菜的重點是在中間的辣蒜，加上辣蒜粒一起吃整個口感唔同曬，少少麻帶點辣令食慾大增。//酸菜魚//「十三少酸菜魚」魚每日新鮮屠宰，湯底是純魚湯，每天早上熬製 3小時，加上四川來的香料和辣椒，配上老墰酸菜，味道集麻、辣、香、酸於一身。影相之後，先喝一口湯，有魚的清甜，加上少少麻再帶點酸，湯底加了好多酸菜，非常之香又開胃。配菜仲有菇菌都是吸汁嘅食材，而且十分惹味。魚片每一塊都厚肉不散開，肉質鮮嫩而不會食到魚骨，害怕食到魚骨的我表示讚賞！//乾煸四季豆//送飯一流，炒得夠開有鑊氣，少少辣好惹味，食到停唔到口，正！//紅糖糍粑 +$28//外層炸