Video
Read full review
2020-08-24
190 views
自從晚市堂食禁令生效之後，就無再出去打邊爐啦，總係覺得邊爐要夜晚食 J 不過見到一鍋堂推出午市抗疫套餐，咁就一於同男朋友去試試。今次去荃灣分店，服務一如既往都係一入座就揀湯底，再介紹點樣用QR CODE落單，親切嘅感覺返哂嚟! 特別係疫情期間，用手機落單可以減少接觸，而且餐廳範圍都放滿消毒用品可以隨時使用，更加提供一次性紙袋存放口罩，我地都放心享用。實在太耐無打過邊爐啦，所以今次叫咗鴛鴦湯，滿足哂兩個人嘅願望。男朋友食麻辣湯底，麻香撲鼻、辣味出色；而我就食胡椒豬肚湯底，胡椒味香、酸菜入味開胃。今次叫咗B餐，有不同部位嘅肉類可以選擇，每款都好新鮮，特別鍾意美國安格斯牛肉 & 封門柳，肉味香濃，啱哂食肉獸。而其他配料都不馬虎，不同新鮮菜類可以自由選擇；丸類餃類都食得出唔係普通街市買嘅冰鮮貨；海鮮類選擇多元化，特別鮠肉鯇新鮮無泥味。除咗邊爐配料，熟食部份都係吸引我嘅原因之一，特別麻醬冷麵我食咗6碗! 麵條係自家製的胡椒麵，真係有胡椒味架而且十分彈牙爽口，再配上人人喜愛嘅日式麻醬，真係停唔到口。而飲品方面，除咗一般罐裝飲品，仲有幾款自家製嘅飲品，每款都有獨立膠樽裝起，方便衛生。我地每款都試咗，
今次去荃灣分店，服務一如既往都係一入座就揀湯底，再介紹點樣用QR CODE落單，親切嘅感覺返哂嚟! 特別係疫情期間，用手機落單可以減少接觸，而且餐廳範圍都放滿消毒用品可以隨時使用，更加提供一次性紙袋存放口罩，我地都放心享用。
實在太耐無打過邊爐啦，所以今次叫咗鴛鴦湯，滿足哂兩個人嘅願望。男朋友食麻辣湯底，麻香撲鼻、辣味出色；而我就食胡椒豬肚湯底，胡椒味香、酸菜入味開胃。
今次叫咗B餐，有不同部位嘅肉類可以選擇，每款都好新鮮，特別鍾意美國安格斯牛肉 & 封門柳，肉味香濃，啱哂食肉獸。而其他配料都不馬虎，不同新鮮菜類可以自由選擇；丸類餃類都食得出唔係普通街市買嘅冰鮮貨；海鮮類選擇多元化，特別鮠肉鯇新鮮無泥味。
除咗邊爐配料，熟食部份都係吸引我嘅原因之一，特別麻醬冷麵我食咗6碗! 麵條係自家製的胡椒麵，真係有胡椒味架而且十分彈牙爽口，再配上人人喜愛嘅日式麻醬，真係停唔到口。
而飲品方面，除咗一般罐裝飲品，仲有幾款自家製嘅飲品，每款都有獨立膠樽裝起，方便衛生。我地每款都試咗，最鍾意係薄荷烏龍茶，清香解膩，啱哂打邊爐享用!
雖然90分鐘好快過，但疫情期間每位都係$168，收據仲可以留返第時晚市回歸當$50 coupon用，真係好抵食，依家打完食評又想去食多次啦!!
Post
