極尚大喜屋 (鱷魚恤中心)

Open Now

Now Closed

一向好中意大喜屋集團，今日同FD過去encore，原來宜家做緊任食榴槤，鐘意食榴槤啲FD唔好錯過。之前一路幫襯旺角果間，第一次黎觀塘哩間，原來環境都唔錯，晚上基本全full。哩間嘢飲都好多選擇，仲有清酒梅酒等日本酒任飲。QR code落單等嘢食，可以到出面拎啲前菜同頭盤。前菜款式幾多下，麻辣小龍蝦同泰式鳳爪最好味,麻辣小龍蝦食多幾隻已經足夠回本。刺身必叫，松葉蟹腳都有，性價比好高。每款刺身都好新鮮，食落鮮甜肥美。泰式生蝦刺身醬汁好惹味，忍唔住叫多一轉。火灸左口魚邊係我同FD最愛，壽司唔會好大件，左口魚邊燒出魚油，入口即化。皇牌燒乳鴿王，乳鴿燒得好有水準，皮脆肉嫩，FD食左一隻。金蒜炭燒廣島蠔，蠔肉肥美鮮甜，加埋辣椒蒜蓉一齊食，簡直係人間美味。醉鮑魚，鮑魚食落好Q彈鮮甜，醬汁唔錯，食落少少酒味，好味。牛舌串燒，鹽烤方式烹飪，火候啱啱好，牛舌食落牛味好重同埋好彈牙。最後係最期待嘅甜品，榴槤甜品有烤金枕頭，榴槤泡芙，榴槤布丁，榴槤糯米糍等好多款式。其他傳統甜品都唔少，一定要食哈根達斯雪糕！每次食完大喜屋都係好飽，食得好滿足TIM。