Video
Read full review
2024-09-26
1106 views
好似好耐冇食過泰國菜，講起香港嘅泰國菜正常都應該要去九龍城，但係對我嚟講有啲隔涉，聽朋友講呢一間喺佐敦嘅泰國菜都係泰國廚師，所以就過嚟試吓。佢哋做緊泰國啤酒買二送一，四個人叫做三支嚟試吓味，象啤出名啲真係有佢嘅原因架。不過其實另外兩款都好飲嘅。食泰菜點少得叫返個椰青，呢度嘅椰青都好新鮮，仲有支鐵羹俾你食埋入面啲椰肉，真係好細心架。嘢食方面，首先叫咗個生蝦做前菜，佢呢度特別菜嗰啲蝦頭會幫你炸埋，脆卜卜咁，可以連頭都食埋。而佢啲生蝦都好新鮮，都好爽口，點埋泰式青檸辣汁真係冇得輸。然後又點少得嗌返個海鮮冬陰功，佢個冬陰功湯見到都有啲香料喺入邊，唔係嗰啲開粉嘅冬陰功湯。最重要係仲有兩隻開邊嘅大虎蝦，又係新鮮彈牙，絕對足料。然後叫咗個生菜包，佢個生菜包唔係好辣，小朋友都會食到，但係就保留咗泰國菜嘅酸，夠晒開胃。另外叫咗個鐵板蠔餅，原本以為係我哋中式認知中嘅蠔餅，但原來佢呢個係滑蛋炒蠔仔咁樣，啲蛋係比較濕嘅，但係就好滑，點埋佢個辣椒醬好惹味㗎。菜就梗係唔少得馬拉盞炒椰菜苗啦，佢呢度啲椰菜苗真係BB嚟㗎，唔會好老，完全符合商品說明條例。最後壓軸嘅要講吓佢呢個燒春雞，呢個燒春雞好似睇表演，咁佢會喺你面
佢哋做緊泰國啤酒買二送一，四個人叫做三支嚟試吓味，象啤出名啲真係有佢嘅原因架。不過其實另外兩款都好飲嘅。
食泰菜點少得叫返個椰青，呢度嘅椰青都好新鮮，仲有支鐵羹俾你食埋入面啲椰肉，真係好細心架。
嘢食方面，首先叫咗個生蝦做前菜，佢呢度特別菜嗰啲蝦頭會幫你炸埋，脆卜卜咁，可以連頭都食埋。而佢啲生蝦都好新鮮，都好爽口，點埋泰式青檸辣汁真係冇得輸。
然後又點少得嗌返個海鮮冬陰功，佢個冬陰功湯見到都有啲香料喺入邊，唔係嗰啲開粉嘅冬陰功湯。最重要係仲有兩隻開邊嘅大虎蝦，又係新鮮彈牙，絕對足料。
然後叫咗個生菜包，佢個生菜包唔係好辣，小朋友都會食到，但係就保留咗泰國菜嘅酸，夠晒開胃。
另外叫咗個鐵板蠔餅，原本以為係我哋中式認知中嘅蠔餅，但原來佢呢個係滑蛋炒蠔仔咁樣，啲蛋係比較濕嘅，但係就好滑，點埋佢個辣椒醬好惹味㗎。
菜就梗係唔少得馬拉盞炒椰菜苗啦，佢呢度啲椰菜苗真係BB嚟㗎，唔會好老，完全符合商品說明條例。
最後壓軸嘅要講吓佢呢個燒春雞，呢個燒春雞好似睇表演，咁佢會喺你面前點火，原本我哋都心諗咁樣俾佢燒完之後應該會又乾又柴。
但係當我哋一落手撕雞嘅時候，我哋就知道怪錯佢啦。因為真係超Juicy，一撕開個雞髀位勁多肉汁流出嚟，而且仲超級無敵滑。
最過分嘅係連個雞胸都唔會老，都勁嫩滑，真係不得了。見到佢個雞殼有少少粉粉地，其實佢係落咗南乳去醃，所以好夠味，鍾意食濃味嘅人仲可以點埋個泰式辣醬，完全係今晚嘅MVP超級大驚喜。
呢度嘅職員仲好熱情好好人，係咁叫我哋打卡攞佢哋嘅神秘禮物，佢哋話每一晚嘅神秘禮物都唔同㗎，今晚我哋得到嘅禮物就係炸蝦餅，有得食又有得玩。
四個人埋單都係$1000唔使，仲要食到泰國嘅味道，完全係驚喜滿滿，飽肚感滿滿。
Post
