富盈火鍋雞煲專門店 (Closed)

最近口罩荒，個個人都為左口罩四圍撲。今日放工約左人出旺角交收口罩，而家啲口罩真係貴💀，但無又唔得。買完口罩，就泊左架車去家樂坊搵地方食飯。朋友之前同我講過係家樂坊附近有間任食雞煲，好味又抵食，招呼好，地方大。年紀大，記性壞，唯有再打去問下果個朋友，間餐廳叫咩名😂原來間野叫富盈雞煲，係通菜街。上去 openrice 搵下地址，原來真係好近家樂😂就禁睇真係好抵食。上到去，地方真係算大，檯同檯之間好有距離(呢個真係好重要)。火鍋，韓燒既配料真係要有都有。重有熟既野食可以拎，有麥樂雞，咖喱魚蛋，不過我一心想食雞煲，所以無試🤪飲品選擇堅多，重有細細罐 coke zero，抵讚！Yeah! 雞煲黎喇！上黎之後，煲多4分鐘左右，食得。岩岩好，堅好味🤤🤤，啲雞好入味，啲菇又好入味。雞煲配Zero，一絕😋好快食完一煲，唔夠喉，再加多煲先。食完2煲雞之後，就加湯打邊爐🤪加埋湯，食山根，超好味！韓燒真係食唔到😂太飽喇。留返下次再黎食過！食左禁多野都係2百幾一個人，抵到爛！