Video
Read full review
2024-03-02
76 views
又到咗一年一度嘅紀念日，食厭咗西餐嘅我今次想食日式鐵板燒，見到呢間有好多好評，就決定係特別日子試試佢🩷預約個時已經要揀定menu，佢有3 個價錢嘅套餐$588 / $788 / $888，我就揀咗$788 個個set😎 餐廳裝修簡約得嚟，都不失日本風，每一個位置都係圍住個鐵板，確保所有顧客都可以睇到廚師煮，好貼心🥰前菜一坐低店員就好快手咁放低咗2 碗前菜，唔好睇個沙律好似平平無奇，佢加咗啲啫喱同沙律醋，開胃得嚟又有啲口感🫢隔離個碟就係秋葵配水雲草，第一次食水雲草，口感好滑同秋葵好夾🙌🏻龍蝦 配 帶子餐廳宜家做緊promotion 消費滿$1,500 就會送龍蝦一隻，所以差不多枱枱都送一隻龍蝦🦞認真大手筆！龍蝦肉係用咗啲蝦膏一齊炒，食落好香好creamy ，龍蝦肉都好彈牙，而且好大隻，睇相都見到我呢度只係半隻嘅份量，未試過食龍蝦係食極都仲有🥹❤️而右上角就係煎帶子，配上菠菜汁，帶子用咗牛油嚟煎，好香，本身見到個綠色嘅菠菜汁，以為有啲怪咁，但食落又幾特別，個菠菜味唔會太濃，正🫢香煎銀鱈魚次次食日本嘢都好想嗌銀鱈魚，但係又唔捨得嗌因為價錢都比較貴💸今次個套餐包埋，好開心🙌🏻🙌🏻上面插住塊魚皮，
前菜
11 views
0 likes
0 comments
前菜
一坐低店員就好快手咁放低咗2 碗前菜，唔好睇個沙律好似平平無奇，佢加咗啲啫喱同沙律醋，開胃得嚟又有啲口感🫢隔離個碟就係秋葵配水雲草，第一次食水雲草，口感好滑同秋葵好夾🙌🏻
龍蝦配帶子
13 views
0 likes
0 comments
龍蝦 配 帶子
餐廳宜家做緊promotion 消費滿$1,500 就會送龍蝦一隻，所以差不多枱枱都送一隻龍蝦🦞認真大手筆！龍蝦肉係用咗啲蝦膏一齊炒，食落好香好creamy ，龍蝦肉都好彈牙，而且好大隻，睇相都見到我呢度只係半隻嘅份量，未試過食龍蝦係食極都仲有🥹❤️而右上角就係煎帶子，配上菠菜汁，帶子用咗牛油嚟煎，好香，本身見到個綠色嘅菠菜汁，以為有啲怪咁，但食落又幾特別，個菠菜味唔會太濃，正🫢
銀鱈魚
20 views
0 likes
0 comments
香煎銀鱈魚
次次食日本嘢都好想嗌銀鱈魚，但係又唔捨得嗌因為價錢都比較貴💸今次個套餐包埋，好開心🙌🏻🙌🏻上面插住塊魚皮，除咗美觀仲煎得好脆好香口，銀鱈魚每一啖都充滿油香，配埋隔籬嗰個醬汁食，一啲都唔膩🥰
南非鮑魚配瑤柱松葉蟹汁
15 views
0 likes
0 comments
南非鮑魚配瑤柱松葉蟹汁
第一次食鐵板燒嘅鮑魚，鮑魚好大隻，而且燒得好juicy 同彈牙，淋上面嘅係瑤柱加松葉蟹汁，每食一啖鮑魚都會有一絲絲嘅瑤柱，味道好清新😋
鵝肝
16 views
0 likes
0 comments
鵝肝
終於到我最期待嘅鵝肝😍大大塊鵝肝煎都好香，下面配咗塊焦糖蘋果，上碟前擳上意大利黑醋，蘋果多咗一份清甜，中和咗鵝肝嘅膩，唯一美中不足嘅地方，係如果下面有多一塊多士會更好🫢
厚切鹿兒島和牛配牛舌心
12 views
0 likes
0 comments
厚切鹿兒島和牛配牛舌心
和牛燒得好淋，牛舌心就爽口，主菜故知然好食，但不得不提嘅係側邊嘅炸蒜，係我食過最脆嘅炸蒜，而且好大塊，牛肉配炸蒜配埋新鮮磨出嚟嘅wasabi 一齊食，簡直係去咗一個next level🚀😳
炒雜菜
3 views
0 likes
0 comments
炒雜菜
食咗咁多肉，點可以唔食返啲菜呢，有啲椰菜、芽菜、紅蘿蔔絲、冬菇絲，好多唔同種類嘅菜😋只係用咗少少醬油炒，簡簡單單唔太鹹，好食😛
龍蝦麵豉湯
7 views
0 likes
0 comments
龍蝦麵豉湯
平時食日本嘢一定有碗麵豉湯，但係用龍蝦嚟熬製嘅麵豉湯，真係第一次試🥹麵豉嘅鹹味，配龍蝦嘅鮮甜味，連平時唔飲麵豉湯嘅男朋友都讚不絕口，話想飲多碗😍
炒飯
13 views
0 likes
0 comments
炒飯
飯粒粒分明，炒得好乾身，加埋頭先啲鹿兒島和牛碎，蛋同埋少少菜一齊炒，真係好出色，可惜我地已經太飽，食咗幾啖就打包返屋企留返聽日lunch🫢叮返熱依然好好食🫶🏻
焦糖多士
16 views
0 likes
0 comments
焦糖多士
終於到咗最期待嘅甜品環節，雖然啱啱先話好飽，但甜品係第二個胃🤣個多士燒到脆卜卜，然後外層鋪滿焦糖，好邪惡，如果有多一塊就好啦🥹❤️
意式奶凍
17 views
0 likes
0 comments
意式奶凍
原本以為焦糖多士，已經係最後一樣嘢食，點知店員又拎多個panna cotta 上嚟😳😳我當然係來者不拒繼續食啦🤣奶凍好滑，好重奶油味，即使好飽都係成兜清晒🫢
知道餐廳會有畫公仔服務，所以book枱時就問可唔可以指定公仔，餐廳話嘗試吓，出到嚟超靚，好開心，男朋友更表示想拎佢返屋企💛
.
呢間鐵板燒餐廳完全滿足晒我想食海鮮嘅心，而且有好多款食材，份量都好足夠，一定食得飽，而且可以望住廚師每樣菜幫你燒真係一種享受，我覺得咁嘅價錢可以享受到咁嘅質素嘅食物，真係物超所值，超級推薦🙋🏻♀️🥰亦都好啱生日 / 特別日子慶祝，打卡，鍾意食鐵板燒嘅你哋，一定唔可以錯過呢間高質抵食嘅餐廳啦👀👀
Post
