越男仔 (Closed)

由於越男仔好近公司，基本上係同事飯堂，佢本身已經好抵食，但最近仲有周年活動，50蚊就有一個印花，5個就減$20，無最低消費就可以用，正👍是晚加完班，又同左同事黎越男仔食，好肚餓，叫多幾樣野食先😆⭐牛豬Pho～生牛肉+烤牛肉+豬頸肉+豬扒紅蕃茄湯檬粉叫左碗牛豬Pho，有個長長嘅菜名😆就係貪佢餸多，一次過可以試晒咁多款肉🤤蕃茄湯好濃味好杰身，正喎。加上肉同檬粉都勁多，超飽肚。⭐招牌去骨海南雞配黃薑飯同事叫海南雞飯，呢個係佢至愛😆雞件又嫩又滑，蔥油香口，再點埋個雞醬勁正。附上黃薑飯，香口得黎更健康。飯餐有湯送，同事揀左牛骨湯，夠鮮味好飲。⭐阿車快沙律拼椒鹽脆蛋魚柳飯餐仲有小食送，揀左手撕雞沙律同炸魚柳，前者清爽開胃，後者新鮮炸起好脆口。⭐手撕雞檬紙卷又加左份檬紙卷，鍾意佢層粉皮煙煙韌韌嘅口感🤤加啲魚露同辣醬勁正。⭐凍檸茶仲叫左凍檸茶走甜，酸酸地正好去膩😋一張單就夠五個印仔，下次黎可以減$20啦👍