磊犇 (Closed)

路過都會俾呢間餐廳既香味吸引左入去，門口個牌寫明係沙律、飲品、飯、湯，都係免費任食! 餐廳有自助點餐機，有3款牛扒同唔同既份量揀，我地要左西冷牛扒(200g)同牛肩肉(300g)餐廳既配套非常齊備，醬汁、鹽、紙巾樣樣齊，另外飯、湯、沙律同飲品就更加唔使講啦~ 點餐完左一陣，好快就準備好，啊姐好貼心咁將紙巾舖喺鐵板牛上面，以免大家俾油彈倒，非常抵讚 !拎開紙巾，牛扒好大舊，又充滿牛香味，切開牛扒，充滿牛既肉汁，真係色香味俱全。平日出去鋸扒，以呢個牛扒既味道黎講，至少都每人四五百蚊落樓，但係呢度就可以用平民價錢食倒有質素既牛扒，CP值爆錶 ! 好值得推介 !