宴 尖沙咀

凍凍地又係打邊爐既時間，雞煲、麻辣火鍋又食到厭。食下清清地既日式火鍋都唔錯，呢個價錢食到頂級既鹿兒島和牛，再加上鮮甜松葉蟹既放題，性價比好高🥘頂級鹿兒島和牛、松葉蟹火鍋放題（$618）🐟三點刺身拼盤雖然係前菜，但係一d都冇揸流攤，有火灸拖羅、三文魚腩同帆立貝。三款都係新鮮既貴價食材，特別係拖羅，燒過後魚油既香味更加突出。🐮嚴選鹿兒島和牛肉質細緻，油花分布均勻，肉眼都睇到好似流星雨咁靚，口感比一般牛肉爽口，油脂香氣同濃郁既牛味亦係其他牛冇得比。🐷日本豚肉雖然睇落比較肥但食落肉質爽口，最重要係冇左陣豬油既騷味，比一般豚肉高質素🐔日本雞肉比平時食到既雞肉瘦，肉質彈牙，連雞皮咬落都係爽口，唔鍾意食肥雞既就岩哂🦀松葉蟹蟹肉飽滿，肉質鮮甜，唔會好似食自助果d咁雪到冇哂味，呢個價錢仲可能任食真係抵到爛🥬蔬菜拼盤有大蔥、豆腐、春菊、娃娃菜同冬菇，每樣都好新鮮，食完咁多肉，食返d菜平衡下就岩哂其他小食：🦑炸沖繩魷魚鬚（$39）魷魚鬚即叫即炸，上枱時仲熱焫焫，最重要係夠新鮮，肉質夠彈牙，有d驚喜🍢雞肉大葉串燒拌梅子醬（$49）雞肉爽彈，雞皮燒得夠脆，加上酸酸地既梅子醬同紫蘇葉獨有既香味，令味道更有層次