順濠坊 (Closed)

鐘意食辣野既朋友有福喇！！今次要推薦呢間順濠坊價錢算抵食，尤其是打邊爐！同埋有小菜揀，選擇都唔算少。最最最推薦川味辣子安格斯（$168），辣子雞聽得多，辣子牛都係第一次試😂食得辣既唔好猶豫，起碼叫中辣！！辣得過癮之餘仲好香！個安格斯牛粒肉質好掂，一啲都唔韌，生熟程度啱啱好，同埋牛味好濃份量一啲都唔少，好抵食！川味香滑雞煲 （$138 小）因為有一個朋友食唔到太辣，所以雞煲就叫咗小辣，不過小辣簡直同唔辣一樣，係連佢都覺得唔辣😂所以食得辣嘅話可能要叫大辣先夠～啲雞煮得好滑，不過上枱嗰時未熟晒，所以大家記得等一陣先食。而個雞煲除咗辣椒之外，仲加咗好多芫茜、西芹嗰啲，所以味道都幾豐富，整體黎講水準唔錯。又係非常推薦嘅辣子系列——川椒辣子蝦（$168）！嗰啲辣味入晒落個下蝦殼度，所以除咗食入邊嘅蝦肉之餘，記得「選」埋個蝦殼啲蝦肉本身幾有彈性，質素唔錯！同埋我估呢一碟菜都係呢間店舖嘅招牌菜之一，因為我哋嗰晚七點半落單已經係最後一碟，成間鋪有一半嘅客人都有叫！！鐵板黑椒德國鹹豬手 $128上枱嗰時本身未加黑椒汁加完炸炸聲整體黎講中上，豬手肉質好腍值得一讚，鹹度適中，但黑椒汁再多啲就更好喇，因為洋蔥索