順濠坊 (Closed)

喺香港地區要搵到好食嘅麻辣點真係一件唔容易嘅事，阿辣妹同我都一直好努力到處發掘，今次俾佢搵到呢間佐敦小店，所以決定你試一試。晚上六點去到，我哋第二台客，睇咗餐牌實在太多野想試，先來個近排比較多地方搵到嘅炒萵筍。清炒萵筍是基本上係大陸無處不在，不過係香港真係好難搵。呢個合格。阿辣妹最喜歡嘅菇類，所以剛好有個炒雜菇，啱晒。呢個菜基本上有三種菇，份量算係幾多，阿辣妹表示”合格”。店員介紹元貝做緊推廣，第一隻售價$28，由於冇乜特別所以就純粹試驗性質叫咗一隻試吓。元配新鮮粉絲夠淋再加蒜蓉粒，合格。因為小朋友唔食得太辣，所以叫咗一份蔥油雞比佢哋食。蔥油雞皮薄肉質夠林，啱晒小朋友食，合格。主角終於出場，花甲烤魚煱。唔記得咗魚嘅種類，不過係屬於少骨少剌嗰種，花甲數量唔係太多，不過夠大隻夠新鮮，所以之後配料再加，冰豆腐金菇都係必點。個人口味正常落單，都係會叫超麻超辣，嚟到之後辣夠不過唔夠麻，希望下次可以改良。合格。總括來說會再嚟，因為想試吓其他唔同嘅菜式，基本來說辣味夠之餘也好味，鍾意食辣嘅，算係辣得出色嘅一間小店。

近來最愛的烤魚這間川菜餐廳除了烤魚，水煮魚，酸菜魚之外，其實還有不同的小菜。之前見過隔壁桌顧客點的鐵板豬手和辣子安格斯牛，上桌時非常有鑊氣，香味遍佈整間餐廳。每次嘴裏都說下次要試其他菜色，但最終也忍不住點回烤魚因為對他的烤魚實在念念不忘烤魚分量足夠，魚的質地爽滑新鮮，花甲大概有五，六隻。上菜時會包含少量配菜，當中有我喜歡的萵芛但通常都不夠吃，我會另加一份如果兩個人吃的話，點烤魚再另外加一兩個配菜或薯粉作火鍋就非常足夠。唯一美中不足的是，這餐廳沒有生啤只有罐裝和樽裝的啤酒

這一次經朋友介紹，黎咗佐敦一間有很多種類食物既餐廳，位置在佐敦官涌街市下面的一條叫閩街，距離地鐵站的距離也不太遠，這間餐廳並不是太大，但有舒服的感覺，加上老闆既nice同風趣，令我覺得我地好似識咗好耐咁！餐廳職員都好nice啊，絕對係優質服務。朋友發板叫了幾樣，但我連名都無理到，都影唔切。。就只顧吃吃吃！就係因為真係好好味囉！以我平時無寫食評既人，都好想寫兩句。黑椒豬手，香到無人有，上了枱之後可以自己慢慢切架茄汁蝦 我的最愛之一！真心講，甜甜地，好好好味！本身碟菜好靚架。。。銀芽花枝片（可惜。。影唔切）以下這一個，是我的最愛！辣子雞軟骨！（老闆介紹）好好好好味！啱晒我依種鍾意食辣既人！因為有分大中小辣，建議，如果你可以食到先叫到中辣好勒，因為都夠辣了，老闆話歡迎去挑戰佢地既辣椒架！我地班朋友都會喺食飯既時候飲返兩杯，聚下，relax下，依度真係一個好啱我地gathering 既地方！我諗我地之後都會成日黎建議大家先預約book定枱會好啲

女友一向鍾意川菜，所以今日帶佢去左位於佐敦既順濠坊。餐廳入面位子超闊，我同女友好似坐平時餐廳四人位咁。不得不説順濠坊既餐牌設計非常別出心裁，紅黑紅紅黑，就係咁簡單。餐廳仲有火鍋，材料選擇非常多，不過我地今日係衝住川菜而嚟！餐廳有我鐘意既黒啤Murphy’s，非常難得。可惜今晚要溫書。一坐底職員提供左花生，可以醫一醫肚先。食物好快送上，首先係椒鹽九肚魚，表皮非常薄同炸得香酥，裏面既魚肉仍然保持嫩滑，營造出外酥內嫩既口感。之後上菜既係酸菜嫩滑桂花魚鍋，魚既份量超多，配料亦有冬菇，金菇，酸菜、蘿蔔等等。我地叫左小辣，食物都有足夠辣度。最後叫左清炒萵荀，脆嫩之外，比之前食過既蔬菜更加鮮甜。食啲比較熱氣既食物同時當然要飲下清涼飲品，我地叫左甘庶水同忌廉。今次又發現到一間出色既川菜餐廳，椒鹽九肚魚變成我既favourite。

約左同事宵夜 黎比佐敦嘅順濠坊聽講有好惹味嘅串燒食 當然要試試😋先黎4隻燒蠔 ($38) 合理好味然後點了個海鮮包 有花甲 螺 同蝦 ($58)有粉絲係底 索哂啲汁👍🏻至於串燒安格斯牛 ($36) 有牛味雞中翼 ($36) 芝士丸($32)同雞軟骨 ($16)都比較惹味 推薦🙌🏼見人地有打邊爐 下次都可以一試😆_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

我家住在西貢。父親非常喜歡吃魚，因此每一餐都必會有魚食，而且通常就係蒸，非常悶。今次就黎到呢間川菜餐廳，有好多魚嘅菜式，包括水煮魚、酸菜魚、炸魚等。呢度食飯有兩種選擇，可以選擇火鍋或者小菜咁樣食。招牌黃金脆皮九肚魚$88炸九肚魚就最好㗎啦，啖啖肉，食嘅時候又方便又正。話睇吓鋪喺面嘅炸蒜頭同埋辣椒，睇見都非常吸引。個外皮非常薄同埋鬆脆，入邊嘅九肚魚肉亦都非常之滑，好似豆腐咁。魚香茄子簡單嘅小菜都做得非常出色，茄子基本上已經起咗紫色皮，剩低白色嘅肉，每一條都走過油，所以吸收晒醬汁嘅味道。醬汁帶有鹹香嘅咸魚肉味，又有椒絲嘅辣味，送飯最一流。酸菜嫩滑桂花魚鍋朋友唔識得辣，我哋只點選左小辣。呢個喎鍋非常大，而且材料足，有雞髀菇、冬菇、桂花魚片、金菇、酸菜、秀珍菇等。湯底不用味精，酸酸辣辣嘅，非常開胃。最值得一讚嘅就係桂花魚片能夠保持嫩滑，鮮甜可口！如果爸爸都可以在家煮呢啲餸嘅話就好啦，又或者我哋多啲出街食啊！

今晚收工好想食串燒，所以揀咗位於佐敦嘅順濠坊！黎到望到餐牌有埋水煮系列，一於食埋佢！😂😂首先食店推介既椒鹽九肚魚，食落肉質嫩滑，份量充足，真係有佢寫住嘅外脆內軟！水煮桂花魚，厚薄適中的肉質嫩滑，岩岩熟最正！👍🏻配料都好好味！初頭以為係一大碗，但來到原來係一大煲！價錢實在太抵！農家酸辣土豆絲，大碟😂😂味道酸酸地帶少少甜味，少少辣！翠玉瓜，厚度岩岩好，都大塊，燒出黎多汁，我平時食串燒都唔會叫翠玉瓜，因為本身唔太中意食，但見朋友點左，一人一舊試下，原來都好味！鹽燒蝦，燒到連蝦殻都食埋，食落就知係新鮮！燒雞翼，表皮很脆很香，食落入味！成餐都好好味，今晚實在太滿足！

最近成日都超過9點先收工，想搵間可以坐得夜d既餐廳真係唔係咁易，最怕太夜坐底食嘢，但又好似阻人收工既感覺，食都食得唔自在，好在今次係佐敦就搵到過唔錯既地方平時主打火鍋同小菜既順濠坊，原來夜晚10點後有串燒供應，而且又有酒牌，非常適合各位夜貓人士，價錢都相當大眾化，幾乎咩都叫齊飲埋嘢先三佰幾，油尖旺區嚟講算很好了海鮮類非常不錯，海鮮包的花蛤同蝦都鮮甜，索晒辣味湯底既粉絲味道幾好，燒蝦同元貝都有水準一口牛同雞翼都係值得一試既款式我平時最鐘意食既燒豆卜，燒得雖然不算脆，但調味不錯，食落味道豐富唔會太寡，另外翠玉瓜夠晒大塊，口感不錯又多汁睇埋其他menu依度既小菜款式都幾吸引，下次如果時間早都會再嚟試下

每到年尾…就算平時幾咁忙或幾咁懶!!!...總會覺得係時候要揾D至愛親朋…聚一餐!!...感覺係一個總結同時又迎上新一年…今晚亦吾例外...朋友召集...一拍即合...即時揾地方…最好就係齊齊試新菜館添啦!!...見介紹…順濠坊o既菜式幾吸引...食評又吾錯...但閔街又真係冇乜聽過...結果就係揾左我一輪...要打電話到尼問路...條街好短...但其實坐落回想並吾係難…只係自己零方向感…anyway…地方嘛...算係淺窄...一眼望晒...密密4, 5枱…門口路邊設一小枱, 有兩口子正在打邊爐…裝潢陳設似一個”竇”…牆上好多朋友飯聚照片…四周有D雜雜…燈箱啊擺設啊之類…隔離枱已有班酒客咁!!...感覺就係親切o既小店哩!!...有位估係老闆/主理人...態度言談有禮...哩度仲有一度好…任食客細味傾談...吾會似一D大店或連鎖集團…要分時段或限時趕人走…耶!! …而餐牌主要係火鍋夾小菜…選擇多多…四人叫了4個菜…整體都有水準呢!!酸菜桂花魚鍋…好大一鍋...材料十足…..除主角酸菜同桂花魚片外, 加有大量雞脾菇鮮冬菇鮑魚菇...整鍋鮮甜味美...湯底又可以任加添呀...彩虹鮮果咕嚕肉

※本文以用餐當日的環境、服務和食物質素為準，口味亦因人而異，文章只作參考之用。-唔好見小妹成日食Cafe同日本菜，其實還頗喜歡食小炒的，不過兩個人去食好似叫得好小款，實在太多菜式都想食了！最近去左佐敦一間頗新的小菜店食晚餐，叫的幾款小菜我倆一致覺得唔錯啊，另外仲有火鍋食添。「順濠坊」離佐敦地鐵站滿近的，餐廳座位不多，一人多時難免需要「搭枱」，牆上還貼了不少食客的相片呢。餐牌上的小菜選擇不少，剩係炒安格斯牛都有幾款不同既配搭，較特別既有紅酒燴牛尾、鐵板黑椒德國咸豬手、紅酒燴牛尾等；仲有數款煎/炒海鮮類，同埋呢度既招牌菜，椒鹽九肚魚。招牌黃金脆皮九肚魚 $88平時多數食椒鹽豬扒或椒鹽鮮魷，因為怕九肚魚會食到細骨，但見到好多人都推薦，餐廳又掛左易拉架力推，一於試下！九肚魚咬落真係好酥化，完全食唔到細骨，質感非常香酥涮咀，難怪能成為招牌菜，值得一試啊！不過記住要襯熱食，凍左無咁香口。辣子安格斯牛 $168辣子雞就聽得多，估唔到呢度有辣子牛柳粒，聽落好似好惹味。牛柳粒被滿滿既紅椒和指天椒掩蓋著，不過食落辣度又唔算好勁，對於唔食辣既人都食到，微微辣夠惹味，送飯不錯啊！裡面既牛柳粒既比例都唔少，肉質

本身黎到諗住叫火鍋，但比碟招牌九肚魚既相吸引住，所以就決定轉戰小菜，一樣甘岩我口味😝。🥢辣子安格斯牛 $168叫左小辣，雖然表面上有好多辣椒，但實際上唔太食到辣味，而牛肉粒食落有豐富肉汁，牛味濃，食唔停口丫，仲加埋好多腰果去炒，整體非常香口惹味。🥢紅酒燴牛尾 $138份量比想像中多，都有幾多件，煮牛尾係一道要有耐性既菜，牛尾燉得肉軟鬆潤，而且足夠入味。🥢豉油皇海蝦椒 $108豉油既味道能提鮮，外脆充滿豉油香，內裡蝦肉爽脆鮮甜。🥢九肚魚 $88呢度既招牌菜點都要試下既，有別於比時係大排檔食，佢外層既炸粉非常鬆化，咬落去做到入口即化既感覺。🥄姬松茸響螺燉雞 $68最後飲埋個滋潤湯水就滿足哂～

好久沒到訪這類型的餐廳，用料都是類似茶餐廳，不過後鑊大廚夠鑊氣，晚上搖身一變成為高級茶記，非常特別。點菜無需要多，一試推介菜色便知龍定蟲，既然酸菜魚鍋是推介，當然要一戰。我留意到酸菜魚鍋無論是火鍋形式上還是小菜形式上價錢都是一樣，應該不會偷工減料吧？湯底微辛帶酸味，有夠像冬蔭公，魚肉還有些咬口，不過煮一會就會散，所以要快食，才不會落得要夾散肉的下場安格斯牛脂香濃，雪花好看且均勻，入口的確是不錯，不過細的就要$168一碟，定價略為進取。餐廳比較細，而且菜色都很上火，記得叫定涼茶飲才好啊！

約好澳洲男在佐敦食生日飯，放工到馬會六合彩票投注後，折返寶靈街之時，看到這家閃閃發光的小店，而且店內還有很多男客，十分熱鬧，所以選擇在此晚餐。　其實佐敦有很多餐廳，反正未試過這一家，這次就當作新體驗吧！　就座後，可以感到男子漢的豪邁。點菜方面，就交給朋友發板。招牌黃金脆皮九肚魚　　朋友看到餐牌上的手指公，所以要來一份。視覺：金黃色炸皮，每件皆為長方形，跟平時原條油炸的九肚魚，有很大分別。總覺得外表似炸魷魚。手感：炸皮很薄很脆，可是九肚魚也是軟綿綿的。以筷子輕輕地夾出來，才不會變散。口感＆味道：  長方形的九肚魚，真身是魚片。開始幻想：沿著九肚魚的脊骨起出左右二邊的魚肉，切段後沾漿粉再炸，就會變成長方形的＜脆皮九肚魚＞。雖說是無骨，應該是没有脊骨，而幼細的肋骨仍在。不過魚肉滑滑，炸皮又很薄，就似是不存在。一口咬下去，全是軟綿綿，真係無牙都食到。蘸上帶酸的調味醬料：啡色醬汁粘度高，有陳醋／喼汁的影子，但又不會太酸。炸蒜跟伴碟生菜一同享用。酸菜嫩滑桂花魚鍋　又係魚，不過有魚有湯有菇菌類。桂花魚肉質先天滑溜，已經無得輸。不過真的太滑了，要小心地夾取。　註：我倆以筷子直接在鍋內夾出魚肉，没有使用

放工同同事去了附近新開的小菜店食晚餐。餐廳除了有小菜外，還有雞煲、羊腩煲、藥膳煲及火鍋等。我們先點了一個小食宮廷藥膳醉豬手，豬手煮至很腍，酒香滲入豬手內，而且酒香都幾濃味，但又不會辣喉，豬手皮入口溶化，骨膠原豐富。之後點了幾款小菜，同事鍾意的彩虹鮮果咕嚕肉，咕嚕肉細細條，最啱一啖一條，酸味適中，旁邊還有些番茄仔、火龍果及蜜瓜做裝飾，色彩繽紛令人胃口大開。我最鍾意就是這個清湯牛坑腩，坑腩肥瘦均衡，入口鬆化無渣，相反蘿蔔就比較一般，質感較硬，但湯底清甜有肉香。豉油皇海蝦外殼炸得很脆，蝦肉都算彈牙新鮮，十分惹味。飲返杯甘蔗水滋潤一下。

今日是入冬後最凍的一天，天氣寒冷，特別想食點熱辣辣的食物暖暖身體，約了朋友去附近的餐廳食羊腩煲。青島食羊腩煲點可以唔飲返支啤酒呢！招牌黃金脆皮九肚魚九肚魚炸漿很薄，炸得鬆脆，九肚魚很滑，十分惹味。古法羊腩煲羊腩煲份量十足，有差不多十多件羊腩，肉質嫩腍而且唔騷，旁邊有些枝竹、馬蹄、冬菇等配料炆煮至入味，另外還附送一碟生菜，生菜吸引的羊腩汁，送飯一流。手打墨魚滑一大餅的墨魚滑，質感比較腍，欠䍉點彈性。