豐鍋雞煲 (荔枝角道) (Closed)

深水埗食好西，呢一間真係絕對稱得上隱世食店。第一樣好想讚佢既店員服務態度好好，超級有禮貌，而且樓底好高好大間，坐得好舒服，岩哂同朋友慢慢嘆。我地叫左個＄328／位既海龍皇套餐，之後等既期間記得戴口罩去配料區調味。我地揀左芫茜皮蛋湯，呢隻湯岩哂食海鮮，皮蛋同芫茜都有好多，真係唔客氣！特別想讚佢既開邊大龍蝦，的確非常新鮮，配合呢個湯底，食得出好鮮好甜好彈牙。另外佢既手工三種丸類都好出色，食到入面粒粒肉真材實料。我女朋友就好鐘意食佢既大大片既龍躉片，好解好甜。呢間下次一定會再黎。性價比超高。