瑰花甜戀愛甜品屋 (Closed)

相信無咩女生們會唔鍾意食甜品，是日同好友食完飯行完街後就黎到油麻地呢間甜品鋪食野。其實呢間甜品鋪都開左一段時間，裝修之後個名稍為改左少少，但係食物既種類同味道都無咩分別。裝修後既店鋪以粉色為主，望落都幾有戀愛氣氛，星期五晚九點幾黎到，都唔會太多人，坐得都幾舒服。朱古力層層疊:沾上蜜糖既厚厚多士焗至硬身酥脆，配上水果，雪榚同忌廉，份量十足，食落都非常CREAMY，好有口感，不過個人認為忌廉落得過多，少一D會更加好。香蕉心太軟:香蕉心太軟上檯時仲係熱辣辣，切開後D香蕉漿流晒出黎，旁邊仲配埋有焦糖既香蕉，整體感覺唔會太甜，一口熱辣辣既心太軟配埋凍冰冰既雪榚，真係令女生們食到停唔到口。