Terrace in seaside (形點 I)

Open Now

Now Closed

Terrace in the seaside 每間分店嘅裝修都好靚，裝修以木系質感做主調，成個環境企理舒服，食物一貫高水準👍🏻近排萬聖節仲有特色甜品同飲品，真係唔可以錯過。啖啖蟹肉千層麵 好正呀，上面超多超多蟹膏蟹肉🤤諗返都覺得冇得輸，千層麵用了豐富，每一層都夾住肉醬，蟹膏味道濃郁！韓式奶油排骨鍋入面除咗有排骨，仲有韓式粉絲韓式年糕等等，醬料有少少甜🤤味道濃厚，排骨嘅份量真係好多，食極都仲有！幽靈來襲！士多啤梨朱古力窩夫 份量超大超大真係夠三四個人食，窩夫蛋漿比例10分好，所以食落去乾身脆口，沾上小小士多啤梨醬已經好好食！值得一提就係幽靈嗰塊布，其實係一大片麻糬再蓋住朱古力蛋糕😋麻糬帶甜香，咬落去軟熟好好食！惡鬼荊棘海提子沙冰 上面放住萬聖節裝飾好得意呀，入邊有好多提子皮，所以絕對係真材實料，幾鍾意杯嘢飲因為唔會太甜。濟州柑乳酸梳打 上面有靚靚嘅蝶豆花造成嘅紫色🤤下面有濟州乳酸，成個配搭好好飲，清清地唔會太甜，夏天就一流。