UFUFU CAFE (Tower 535)

Open Now

Now Closed

Bookmark咗哩間日本café店好耐，今日終於得閒打卡。餐廳裝修得幾ins風，晚上都提供晚市set，加HKD38/48就可以包埋沙律，湯同飲品，唔錯。熱泡沫咖啡，如果叫French Toast或者芭菲，加HKD28可以轉set。咖啡豆揀咗偏苦果款，入口咖啡味好香濃，帶埋少少焦糖香味，好飲。南蠻炸雞沙律，成個沙律堆到山一樣。炸雞好有水準，面衣薄身脆口，內裡仲好juice。雞肉已經預先醃制過，唔洗點醬都好好味。沙律菜好fresh，搭配埋大量沙律醬一齊食，好好味。蒜片大蝦番茄汁意粉，搭配埋大量蒜片同番茄醬一齊烹飪。大蝦大大隻有5隻，蝦肉鮮甜Q彈。意粉唔會好韌，搭配埋酸甜茄醬食落好惹味。八女抹茶French Toast，配料勁豐富，有日本直送士多啤梨，小丸子，紅豆蓉，抹茶醬等，仲會搭配抹茶雪糕。雪糕入口抹茶味重好絲滑，雖然奶味都重，不過係清爽果種感覺。French Toast即叫即整，送上來仲熱笠笠，搭配埋忌廉同抹茶醬一齊食，唔會覺得好甜，好creamy。