帝景軒 (Closed)

佢以咁嘅價錢有咁高嘅質素，食到我同我媽咪哇哇聲，真係好正！個Tea set每兩個月會轉一次主題，今次就係咖啡為主題佢食甜點鹹點有六款係咖啡做出嚟嘅鹹點款款都好好食，我同我媽咪特別鍾意黑毛豬漢堡包，個黑毛豬超juicy,一食落去別晒啲肉汁出嚟，佢仲要煮得啱啱好，沈左啲鹽令到佢好有層次魚子糖心蛋，咖啡浸鴨胸，鵝肝醬多士都好正，睇得出佢係食物層次方面擺左好多心機，全部都配搭得好新奇，但又好好食甜點方面-紅桑子白朱古力批，上面係軟身嘅，下面就係脆卜卜嘅可可米，有濃濃嘅朱古力味嗰個泡沫咖啡杯上面係嗰啲泡泡，中間係mousse,底層係朱古力杯，食落有三種口感馬卡龍上層係一個熱情果嘅mousse,酸酸地再加埋甜嘅朱古力就啱啱好，唔會太膩佢個拿破崙好脆口，又好令總括而言所有都好好食，完全值得去同閨蜜媽媽一齊享受呢個下午茶只要喺荃灣地鐵站一出就有Shuttle Bus接你過去，啲巴士都好密，所以其實真係值得去佢而家仲有一個咖啡嘅禮物送添！