Fûhn (The L. Square) (Closed)

朋友介紹咗呢間越南餐廳俾我話好得。今日經過就上咗去試下點好法。餐廳唔起眼係1/F，但係都有個大玻璃望到條街。餐廳sell係北美風味嘅越南菜，炒粉、撈粉、湯粉、飯通通都有。叫咗個特別少少美國安格斯生牛肉粉配焗牛筒骨，一上枱支牛骨已經霸曬成個大湯碗，撩咗少少試咸咸香香嘅牛味。講返個個北美風味，原來係食嘢時候落D海鮮醬同埋士拉差辣椒醬一齊食，我裝咗一碗仔試，都幾特別，不過我鍾意加返幾滴魚露一齊食嘅傳統食法另外我見佢有越南啤酒仲可以加咸檸檬，見咁特別，開頭飲冇乜分別，但係當啤酒個溫度上升返，就飲得出一浸鹹檸檬嘅味。