氣噗噗

Open Now

Now Closed

今日同屋企人黎試吓呢間台灣火鍋—氣噗噗，一入到去見到周圍充滿台灣特色，店員好有禮貌細心地講解，可選一人一鍋（坐中間的位置）或者鴛鴦鍋（坐卡位），我哋揀咗鴛鴦鍋，當然揀左我最鍾意嘅麻辣鴨血鍋同埋我屋企人唔食辣既養生藥膳鷓鴣湯，有三種任食套餐，我地叫左「精選·吃到飽」。叫完我就出去拎醬料同睇吓任食區有咩食，任食區超過50款食物，沙律吧有涼拌👍炸物區：洋蔥圈、炸雞粒、炸餃子，有幾款唔同顏色嘅沙律醬可配，非常特別，仲可以任食麻辣鴨血，關東煮、台灣香腸，滷水豆腐、滷水蛋、仲有香菇滷肉配飯，免費飲品有罐裝嘢飲同汽水，都好多選擇。「精選·吃到飽」牛五花、豬梅花同花雕醉雞，肉質色澤非常靚，鮮嫩可口，地瓜薯條炸到金黃色脆卜卜食唔停，最後就食我最愛嘅甜品，每款揀咗一樣嚟試，不過不失，芒果雪葩有驚喜，再配埋愛玉同仙草，簡直一流。總結台灣火鍋嚟講都好出色，而且種類好多，值得一試