牛牛日式火鍋放題 (海之戀商場) (Closed)

好耐無打邊爐，今日lunch同朋友去牛牛試吓一人一鍋，因為衛生啲。價錢唔貴，但食物質素卻出乎意料的好。先講環境（疫情下尤其重要），餐廳環境乾淨企理而且廚房係open kitchen，可以見到廚房嘅衛生情況都好好。重點係餐具，餐具好乾淨。而且仲有無敵海景講講湯底，湯底選擇都幾多，朋友叫咗蕃茄湯，我叫酸菜湯底。2個湯底都好濃好夠味，酸菜湯底好野味，比我平時喺其他餐廳食酸菜魚嘅湯底更濃、更野味，未開吃我就已經飲咗1碗湯放題食物放面，一般日式火鍋嘅食物都有，而重點係新鮮！食物好新鮮！芝心丸好好味，必試！ 最難忘嘅係雪花和牛，肉質超嫩超juicy，雪花分布平均，入口即溶，堅正！！(但我竟然掛住食，唔記得咗影和牛特寫）, 淨係食和牛已經回晒本飲料任飲，雪糕有movenpick。總結來講，我和朋友對呢餐都非常滿意，好食、抵食、新鮮、衛生。一定會再encore！