家賀屋刺身寿司專門店

之前去過銅鑼灣分店，覺得勁出色，所以今日朋友約我話想食日本餐，我即刻提議呢間，不過就話想試吓灣仔呢間分店，朋友剛好原來喺灣仔返工，所以真係perfect！結果嚟到之後真係冇失望，嘢食超好食，而且呢間比較有私隱度，帶埋朋友兩個嚟慶祝生日就最啱！一開始就叫咗啲小食先，首先就叫咗鹽燒仙台熟成牛舌芯，厚度剛剛好，調味適中，夠入味！之後就叫埋我覺得好正嘅生燒白鱔，好肥美，正正正。海膽龍珠卷係我每次嚟都必點嘅，有冇除咗我好鍾意嘅toro，加埋醬油漬蛋黃，真係令到成個口感更加提升，更加creamy。講明我好鍾意toro，當然叫埋柚子風手切本鮪魚腩蓉同蔥本鮪魚腩手卷。柚子風手切本鮪魚腩蓉比較light，有淡淡嘅柚子味。手卷就另外一番風味。食咗咁多生嘢，當然都要食吓啲熟嘅定食啦，叫左西京平目魚定食，本身包埋海帶味噌湯、胡蔴田園沙律、日式燉蛋同飯，西京平目魚都好厚肉，我好鍾意，而朋友叫嘅花魚一夜干定食就係配高野豆腐蕎麥麵。過橋麥麵真係有驚喜，口感一流！既然係慶祝生日，所以就特別安排左餐廳嘅寫字畫碟服務，我地要左嘅甜品就係東京芝士蛋糕，唔會太滯。特登訂咗餐廳幫我哋畫朋友最鍾意嘅比卡超，畫出嚟真係勁精緻，朋友