巴依餐廳

Open Now

Now Closed

FD推薦左好多次哩間巴依餐廳，話喺全香港最好味啲新疆菜，仲話分量好大好抵食，2個人只要叫一份大盤雞就夠食啦。不過只喺叫一份嘢食，又真喺幾肉酸，都叫左大盤雞，土豆絲同酸奶。酸奶好大一杯，酸酸甜甜，飲落好清爽，最重要是解辣一流。土豆絲食完才記得冇影相，冇所謂啦，大盤雞有影就得。大盤雞超大一份，仲送左一份皮帶面。唔喺好明皮帶面是咩面，食落感覺似寬面多啲，可能唔同地方叫法唔同。啲雞肉好惹味，睇落都冇咩辣椒，食落都幾辣。啲薯仔都好好味，我覺得比雞要更加好食。最後落左面撈埋一齊，啲面嗦塞啲醬汁，超好味，不過超辣，好彩叫左杯酸奶。新疆就冇去過，哩間巴依餐廳正唔正就唔知，但是真的好味！