上岸料理 (Closed)

辛苦返工，一有時間梗係去食下好野！老公今晚帶我去k11隔離的上岸料理食高級日本菜，質素味道都超好！先點左個深海池魚薄切，肉質幾結實彈牙。豚角煮，個汁煮非常之有沖繩風味，唔會過鹹過甜，煮得幾淋，秋葵好爽口鮮甜。串燒日本雞珍，燒得好好，好爽口但一點都不靱，簡單加鹽同加黑胡椒已經好惹味。北海道名物，燒喜知次一夜干，皮燒得又香又脆，魚肉嫩滑無比，豐富魚油香，就咁加鹽燒已經好鮮味，不愧為日本名魚， 只賣$380絕對超值！之後黎多個黑松露烏冬，又係好正，啲烏冬煙韌彈牙，上台立即黑松露香味撲鼻，秒殺！