Video
Read full review
2021-05-06
835 views
朋友在家工作超過一年，最近佢要返一返公司開會喎😒，於是就順便約我哋幾個老友飯聚一下，等佢可以唔使宅在家。條衰仔約到去鴨脷洲「蟹點」咁遠，不過佢堅稱有好嘢食，我哋就陪佢顛一次，唉近佢公司黃竹坑之嘛。而家有地鐵去南區方便好多，A出口上嚟離遠就已經望到餐廳。餐廳位於西邨街市一樓，地下嗰層有街市檔販同小食店，全幢最近經過大翻新✨，所以裝修好靚、好光猛，衛生又好。餐廳佔地面積超大，同街市大小相約，因為全層只得佢一間店。我哋無諗過呢度咁多座位，閒日晚上都可以全場爆滿，超厲害👏，但太熱鬧就會有少少嘈🙈。餐廳格局令我聯想起柴灣嘅漁灣街市，但環境衛生贏成條街。呢度裝修以漁船碼頭作主題⛴，燈光明亮，冷氣充足，客人坐得舒服。佢絕對同一般街市樓上嘅熟食中心唔同㗎。做得大排檔又點止齋賣一味，佢有齊粵式小炒、潮州打冷同泰國菜，選擇超多，樣樣都想食，睇到我哋眼花撩亂🌸。可能乜都有賣嘅關係，個廚房都大過人，直頭係大到痴線！招牌白胡椒蟹(大蟹)($498)，我哋幾個都鍾意食海鮮🦀，見蟹係呢度嘅招牌，就一於嗌隻試試佢。蟹有幾種煮法可以揀，例如避風塘炒、辣椒膏炒、咖哩炒同冬蔭功湯等，而我哋就揀咗招牌白胡椒，因為海報見得最多
朋友在家工作超過一年，最近佢要返一返公司開會喎😒，於是就順便約我哋幾個老友飯聚一下，等佢可以唔使宅在家。條衰仔約到去鴨脷洲「蟹點」咁遠，不過佢堅稱有好嘢食，我哋就陪佢顛一次，唉近佢公司黃竹坑之嘛。
而家有地鐵去南區方便好多，A出口上嚟離遠就已經望到餐廳。餐廳位於西邨街市一樓，地下嗰層有街市檔販同小食店，全幢最近經過大翻新✨，所以裝修好靚、好光猛，衛生又好。
餐廳佔地面積超大，同街市大小相約，因為全層只得佢一間店。我哋無諗過呢度咁多座位，閒日晚上都可以全場爆滿，超厲害👏，但太熱鬧就會有少少嘈🙈。
餐廳格局令我聯想起柴灣嘅漁灣街市，但環境衛生贏成條街。呢度裝修以漁船碼頭作主題⛴，燈光明亮，冷氣充足，客人坐得舒服。佢絕對同一般街市樓上嘅熟食中心唔同㗎。
做得大排檔又點止齋賣一味，佢有齊粵式小炒、潮州打冷同泰國菜，選擇超多，樣樣都想食，睇到我哋眼花撩亂🌸。可能乜都有賣嘅關係，個廚房都大過人，直頭係大到痴線！
招牌白胡椒蟹
$498
15 views
0 likes
0 comments
肉蟹堅大隻，一定足斤半重，佢以鐵板盛住，店員其後將白胡椒汁淋上，片刻響起滋滋聲嘅聲響，令人食指大動😋。白胡椒好惹味，佢嘅辣度唔算好強，但就有一種「辛味」麻痺舌頭，不過好快就散，而且蟹肉本身鮮甜兼結實，成個組合好夾，無得輸。
上菜時，蟹殼經已被輕輕破開，所以食落都算方便。蟹鉗嘅大小就如我手掌一樣✌🏻，非常誇張呢。此外，餐廳會提供食蟹所需嘅工具，另加圍裙、手套同濕紙巾，好貼心。
金沙黃金蝦
$98
15 views
0 likes
0 comments
脆皮炸大腸
$68
16 views
0 likes
0 comments
滷水鵝片
$168
14 views
0 likes
0 comments
椰汁雞湯
$88
16 views
0 likes
0 comments
馬拉盞炒通菜($68)，💚蔬菜料理可揀中式或泰式風味，我哋諗泰式炒應該會惹味啲，所以叫咗馬拉盞。通菜份量同樣係好多，可能係出面泰菜館嘅兩倍。通菜爽脆嫩綠，個人認為可以再濃味啲或辣啲，但都OK哦。
泰式燒牛肉($98)，燒牛肉賣相吸引🥩，但相對無咁出色，可能因為燒得熟咗少少，所以肉質有啲韌同乾。不過好在伴碟個汁幾夠味，救返啲分。呢碟同鵝片一樣係大啖肉，因此建議二揀一。
飲品方面，朋友們嗌咗啤酒🍻，而唔飲酒嘅兩位(我係其中之一)，就要咗椰青($48)同菠蘿青檸梳打($32)。前面嗰啲就無乜好介紹，主要講下杯梳打。梳打味道幾清新，🍍菠蘿味會強過青檸味，整體亦唔會太甜。
總括嚟講，呢個鴨脷洲排檔超正，性價比高，人均消費都唔使$300，仲要唔收加一服務費。再者，食物份量多，適合一班人Share食，聚會氣氛一流💯。最後，菜式選擇繁多，相信各人都會揀到心頭好。今次大鄉里出城，成功發掘出港島南區一個咁優秀嘅開飯熱點，好開心啊。推介👍！我上載埋餐廳嘅完整餐牌以供參考🙏🏻。
Post
