鐵牛台灣牛肉麵 (希爾頓大廈)

Open Now

Now Closed

好鍾意打邊爐，不過人數唔多的話，大大鍋食得冇咁暢快，因為只可以要嘅嘢好少，不過好彩而家多咗好多一人一鍋分量剛好，呢間台式火鍋價值合理，朋友食過話超正宗，上星期同小朋友一齊黎試吓。小朋友唔食得辣，一人一鍋就有呢度好處，我自己可以食麻辣火鍋，太開心，火鍋份量都唔少，最鍾意係佢入邊有好多配料，我揀咗牛肉，厚薄啱啱好，有牛味一啖一塊，鍋入邊有唔同嘅丸類，鴨血，最欣賞佢嘅芋頭貢丸，好彈牙但真係食到粒粒芋頭，新竹米粉夾埋麻辣湯底一齊食真係超級香，真心超級好味。小朋友食牛奶芝士鍋，湯底都好濃郁，最正係見到滿滿嘅芝士，將牛肉夾起見到拉絲嘅芝士真係好療癒，我自己都試左2啖牛奶湯鍋，味道真係好適合小朋友，好味之餘唔太油，聽講呢度嘅豆瓣醬係台灣運過來，一定要試，試過之後果然好味，唔算極級辣，但好香，好正。炸蕃薯本身都甜甜地，炸到外脆內軟，表面有d粉原來味道係好似話梅咁嘅粉狀，有啲酸酸甜甜，令到炸番薯更加好味，小朋友超級鍾意。食咗兩個鍋份量好多，飽到頂住個心口都係四百零蚊，好味又抵食真心推介。