Video
Read full review
2020-01-24
137 views
如心廣場終於新開咗啦，有唔少餐廳進駐亦都開咗張，今日同朋友下完Donki，就喺附近搵食啦，見到呢間十二味好吸引我同朋友，係食川菜架，裝修好時尚、座位寬敞亦都好舒服。 我哋晚上六點半鐘就入座，嗰陣時都冇乜人等位，但係食到七點鐘之後就開始多人啦～喺出面排隊!所以大家如果想食就要早啲去啦!呢間川菜餐廳一啲都唔似出面一啲傳統嘅中國菜既餐廳，佢係好追得上潮流，用QR code落單，之後就會有店員過黎同你確認多次落單既野食~超方便呀！川菜最出名既就係酸菜魚同埋口水雞，由於我個朋友唔食魚嘅關係，所以我哋就嗌咗口水雞同埋經典香辣鍋。川式口水雞(辣) $68口水雞既汁好有麻辣既味道，同時有唔同既香料配搭出味道層次豐富。而且雞肉好鮮美，可以保持到雞既肉汁香味、食落去雞皮爽脆彈牙，應該就係因為放左係雪櫃一陣啦！經典香辣鍋$38香辣鍋加上可以選擇唔同既配料真係好吸引架~呢個鍋都係用麻辣汁同埋唔同既香料製成，同口水雞既汁一樣味道層次豐富，不過就比口水雞既汁更辣啦！而$38呢個價錢只係個鍋同香料既價，仲要加埋叫既野食既價錢架!我地就另外再叫左雞翼、豬頸肉、金針菇、紅薯粉、年糕，每份既價錢唔算貴，大約$28至$42
呢間川菜餐廳一啲都唔似出面一啲傳統嘅中國菜既餐廳，佢係好追得上潮流，用QR code落單，之後就會有店員過黎同你確認多次落單既野食~超方便呀！
川菜最出名既就係酸菜魚同埋口水雞，由於我個朋友唔食魚嘅關係，所以我哋就嗌咗口水雞同埋經典香辣鍋。
川式口水雞(辣) $68
口水雞既汁好有麻辣既味道，同時有唔同既香料配搭出味道層次豐富。而且雞肉好鮮美，可以保持到雞既肉汁香味、食落去雞皮爽脆彈牙，應該就係因為放左係雪櫃一陣啦！
經典香辣鍋$38
香辣鍋加上可以選擇唔同既配料真係好吸引架~呢個鍋都係用麻辣汁同埋唔同既香料製成，同口水雞既汁一樣味道層次豐富，不過就比口水雞既汁更辣啦！而$38呢個價錢只係個鍋同香料既價，仲要加埋叫既野食既價錢架!
我地就另外再叫左雞翼、豬頸肉、金針菇、紅薯粉、年糕，每份既價錢唔算貴，大約$28至$42，而且每一份既份量都唔少架。其中最抵讚既就係雞翼，因為十二味好細心，佢係剪開一半架，咁食就會方便好多啦。另外推薦既就係紅薯寛粉，配合麻辣汁真係超好食架!
如果大家想食川菜可以試下十二味，正宗得黎坐得又舒服~十分推薦
Post
