金滿庭京川滬菜館 (時代廣場) (Closed)

金滿庭~  唔少人都幫襯過，晚飯時間擠到水洩不通，尤其是星期六及日，一定要預早訂位，今日就去銅鑼分店嘅。醉雞~ 把熟嘅鮮雞浸泡入紹興酒及自製醬汁數小時，浸泡過雞肉， 肉質嫩滑， 酒香撲鼻，雪凍後醉雞， 皮肉之間还有層肉凍，帶着淡淡酒嘅香味，令人回味無窮!小龍包~ 皮薄，肉餡適量，灌入濃濃湯汁，而重要係熱辣辣，以上通通有齊。 用筷子夾起， 皮不破，湯不漏， 一個一口，Size啱啱好， 一吮滿滿湯汁怖滿口腔，鮮味無比， 採用鮮湯汁及鮮上肉餡料，配埋姜絲同香醋，味道更佳， 齒頰留香, 必食之選!東坡肉~ 魔鬼誘惑，五花肉的香氣，一半肥肉， 一半瘦肉， 層次口感強烈， 肥肉入口即溶，瘦肉香滑多汁，軟嫩入味， 用細火慢燜至入味， 火候十足， 肥而不膩， 帶點點香，豬肉色澤紅潤， 令人愛不釋手。招牌炒飯~ 材料滿瀉， 包括蟹子， 帶子粒， 蟹柳條等等…炒飯非常乾身， 粒粒分明，香噴噴， 食完碟底沒有油， 不會太鹹， 非常味美。