云手工火鍋店

Open Now

Now Closed

天氣有啲凍，老公話要食火鍋，帶咗佢嚟到尖沙咀呢間高質火鍋店食番餐暖笠笠。呢度座位舒適，好多卡位，服務亦不錯。火焰沙白蟹鍋$348店員幫手炒香蟹，沙白，芹菜，芫荽等材料，加入酒然後點火快炒幾下，頓時香氣四溢，火焰效果好啱打卡。然後店員加入湯底，待湯滾起就可以飲啖靚湯同食海鮮。啲湯充滿胡椒香氣，而且好鮮味。沙白大大隻，鮮甜，蟹肉嫩滑，而且非常多膏，好甘香。雞三角軟骨串$48在等待湯底滾的時候，我們點了串燒食，有好多款選擇，即叫即燒，我哋叫咗呢個雞三角軟骨串，有雞肉同時亦有脆卜卜的軟骨，燒得好香。招牌牛柳粒$168食完啲沙白同蟹之後，我哋開始打邊爐。牛柳粒雪花紋理不錯。咬落去牛油香滿滿，好juicy, 牛肉味很好。手打蝦丸（半份） $48蝦丸好爽口彈牙，真材實料，仲加入了蟹子，爽上加爽。手工腐皮餃 （1份）$88好精緻的手工餃，豆香腐皮滑滑包著豬肉餡，餡料中環混入了紅蘿蔔碎粒，美觀之餘還增加了口感。油麥菜 $48好新鮮，洗得乾淨，吸入湯汁，好好味。