阿木台灣麵 (豉油街)

Open Now

Now Closed

今日午餐黎左呢間阿木台灣麵食，餐廳由台灣人主理，主打正宗台灣菜式。餐牌係簡單一張紙，包括阿木牛肉麵，台式便當，阿木拌麵，老台灣腌菜，台灣小吃，蛋餅同飯。飲品有古早味，芝士岩鹽奶蓋，珍珠奶茶，冷泡茶，台灣紅茶，四季春青茶。今日一個人，叫左一個主食，一個小吃加一杯野飲。紅燒牛肉牛筋麵 $74大大碗紅燒牛肉牛筋麵熱辣辣上枱。牛肉同牛筋各三件。牛肉一大兩細，炆得極淋，入口即化，明顯係半筋半肉，牛味又濃，厚身啖啖肉，好味道。牛筋都好淋，滿滿骨膠原。麵條係白色拉麵，都有咬口，份量適中。伴有鹹菜同蔥花。個湯甜甜地，味道好惹味不過唔會油膩。滷牛筋 $55滷牛筋一客6條，滿嘴都比骨膠原張住，滷得好入味。面頭灑上蔥花。凍黑糖珍珠鮮奶 $17我叫左凍黑糖珍珠鮮奶少甜同走冰，鮮奶好滑而甜度適中，飲落帶微微黑糖香，無冰都夠凍。珍珠份量多，有嚼勁而唔會太硬，好飲。上菜超快，坐低食完20分鐘搞掂。