Video
Read full review
2017-06-19
598 views
之前聽朋友話灣仔有間開張無耐賣越南河既，今日咁啱經過灣仔，順路去探一探路見到鋪仔細細，已經坐滿人，仲有人係門口等位，我諗應該食得過，就去排隊好快就有位，侍應問我地介唔介意搭枱有得食當然唔介意，但坐低後，我反而介意後面枱個男人個背脊多d， 想一彎低少少坐就會背貼背，坐得唔舒服兩個人叫左兩個set combo， 趁3點前快快落單，因為送小食又有飲品，我叫左一個生牛肉坑腩湯河(正常份量)，老公就叫另一個生牛肉牛丸湯河(大份量)，送雞翼同春卷，叫埋罐汽水同咸檸七侍應先俾左食越南河一定要有既新鮮芽菜，九層塔，青檸，辣椒粒，枱面有介紹點樣食越車南河唔使等好耐，先上左春卷，春卷唔係普通貨式，而係用佈滿網紋既紙米卷包住蝦尾，賣相唔單止唔錯，而且咬落鬆脆而不油膩另一個香茅雞翼賣相比較普通，但味道都唔輸蝕重點生牛肉河黎到，識食梗係飲湯先，湯底牛味濃郁帶少少藥材味，味道獨特，飲得出用足料熬湯河材料方面，一睇就睇得出生牛肉質素同出面食既唔同種類，呢間係用安格斯牛肉，用湯輕輕碌熟，剛熟既牛肉肉嫩味濃，廚師選材好有品味，好識食，而坑腩亦煮得好軟腍，我地邊食邊話正我開頭有擔心碗湯河唔夠飽，原來都唔係呀，我個碗正常份
見到鋪仔細細，已經坐滿人，仲有人係門口等位，我諗應該食得過，就去排隊
好快就有位，侍應問我地介唔介意搭枱
有得食當然唔介意，但坐低後，我反而介意後面枱個男人個背脊多d， 想一彎低少少坐就會背貼背，坐得唔舒服
兩個人叫左兩個set combo， 趁3點前快快落單，因為送小食又有飲品，我叫左一個生牛肉坑腩湯河(正常份量)，老公就叫另一個生牛肉牛丸湯河(大份量)，送雞翼同春卷，叫埋罐汽水同咸檸七
侍應先俾左食越南河一定要有既新鮮芽菜，九層塔，青檸，辣椒粒，枱面有介紹點樣食越車南河
唔使等好耐，先上左春卷，春卷唔係普通貨式，而係用佈滿網紋既紙米卷包住蝦尾，賣相唔單止唔錯，而且咬落鬆脆而不油膩
另一個香茅雞翼賣相比較普通，但味道都唔輸蝕
重點生牛肉河黎到，識食梗係飲湯先，湯底牛味濃郁帶少少藥材味，味道獨特，飲得出用足料熬
湯河材料方面，一睇就睇得出生牛肉質素同出面食既唔同種類，呢間係用安格斯牛肉，用湯輕輕碌熟，剛熟既牛肉肉嫩味濃，廚師選材好有品味，好識食，而坑腩亦煮得好軟腍，我地邊食邊話正
生牛肉坑腩湯河(正常份量)
$48
8 views
0 likes
0 comments
我開頭有擔心碗湯河唔夠飽，原來都唔係呀，我個碗正常份量既咋，河粉都幾多喎
老公食既大份量湯河，生牛肉同麵底都多d，雖然牛丸切開左，但感覺都唔少，牛丸味道無生牛肉咁突出，但味道都ok
生牛肉牛丸湯河(大份量)
$66
6 views
0 likes
0 comments
由於天氣太熱，又坐得比較迫，汽水原罐上，無額外俾冰， 隔一陣好快唔凍， 好在叫左另一杯咸檸7有冰底幫我降溫，粒咸檸雖然只有半粒但都算大粒又夠味 ， 跟餐只係加$9， 但單叫要$26， 所以夾啱時間黎都好重要
最後成個湯底飲哂, 飲完一D都唔口渴
總括黎講， 為左安格斯生牛肉同埋個湯底， 我會再黎
Post
